Қоғам • 03 Қыркүйек, 2020

Әрбір отбасы базарлы болсын десек..

32 рет көрсетілді

Ақпарат және қоғамдық даму министрі Аида Балаеваның төрағалығымен Мемлекет басшысы Қасым-Жомарт Тоқаевтың «Жаңа жағдайдағы Қазақстан: іс-қимыл кезеңі» атты Қазақстан халқына Жолдауының әлеуметтік басымдықтары бойынша дөңгелек үстел өтті.

Басқосуға Президент жанындағы Әйелдер істері және отбасылық-демо­графиялық саясат жөніндегі ұлттық комис­сияның мүшелері, репродуктолог-ғалым­дар, психологтар, отбасы институтын дамыту мәселелері жөніндегі сарапшылар, үкіметтік емес ұйымдардың өкілдері қатысты.

– Күні кеше ел Президенті Қасым-Жо­март Тоқаев халыққа кезекті Жолдауын жасады. Шын мәнінде бұл құжат өзекті де көкейкесті мәселелерді көтерген үлкен мазмұнды бағдар болып отыр. Мемлекет басшысы пандемияға байланысты қиын жағдайда мемлекеттің жұмысына ашық әрі адал баға берді. Бірқатар ір­гелі бағыттар бойынша жол көрсетті. Пре­зидент мемлекет пен қоғамның ең өзекті проблемалары бойынша шешімдер кешенін топтастыратын жаңа реформалар жоспарын ұсынды. Бұл мәселелер көп­те­ген адамды толғандырады. Олар айты­­лып та, талқыланып та жатыр. Пре­зи­дент Жолдауының мысалынан-ақ ««Ха­лық үніне құлақ асатын мемлекет» тұжы­рым­дамасының қаншалықты тиімді жұмыс істейтінін көріп отырмыз, – деді А.Балаева.

Министрдің айтуынша, Мемлекет басшысы ең алдымен жал­пымемлекеттік шаралардың негізгі ба­ғыттарын 11 ірі блокқа бөле отырып ай­қындап берді. Соның ішінде экономика, мемлекеттік басқару, аумақтық даму, цифр­­­ландыру, білім беру, денсаулық сақ­тау, экология, құқық қорғау жүйесі, әлеу­­­­меттік саясат, жаңа қоғамдық құн­ды­­­лықтарды қалыптастыру мен саяси ре­­­фор­­малар тақырыбы бар. Алдағы уа­­қыт­­­­та аталған салалардың барлық бағыт­­та­ры бойынша ауқымды жұмыстар атқа­рылады.

– Маңыздысы сол, бұл жұмыс­тар­дың барлығы пандемия жағдайында жүр­гізіледі. Сондықтан Президент Жол­дауының идеялары мен негізгі ере­желері төңірегіне қоғамның шоғырлануын та­лап етеді. Егер Жолдаудағы басым ба­­ғыт­тарға тоқталатын болсақ, олар негізінен қоғамдық-саяси салаға қатысты бол­ды. Байыпты бастамалар көтерілді. Оның барлығын жіпке тізіп жатпай-ақ қояйын. Алайда ауыл әкімдерін тіке­лей сайлау жолымен жергілікті өзін өзі басқаруды дамыту немесе індет кезін­де өзінің тиімділігін көрсеткен қоғам­дық бақылауды сапалы жаңа деңгейге көте­ру сынды бағыттарды атап өткім келеді. Бұған қоса өңірлерді дамыту саласында өте маңызды қадам жасал­ды. Бұдан былай елдің аумақтық дамуы өңір ерекшеліктеріне басымдық беріле оты­рып жүзеге асырылады. Ендігі ретте біз осы стратегиялық құжаттың «Отбасы­лық-демографиялық саладағы жаңа саясат туралы» маңызды бағытын талқылап жатырмыз, – деді ведомство басшысы.

Министрдің айтуынша, Мемлекет бас­шысы Қ.Тоқаев осы отбасы мәселесіне қатысты дәйекті деректерді жариялады. Елімізде осы саладағы жағдай өкінішке қарай жыл санап нашарлай түсуде. Ажырасудың, балаларға қатысты зорлық-зомбылықтың, нәресте сүйе алмаған ерлі-зайыптылардың саны артып келеді. Сон­дықтан ел Президенті Жолдауда бұл салаға айрықша тоқталып, бала күті­мін мемлекеттік деңгейдегі бірінші кезек­тегі міндет ретінде белгіледі. Яғни, бала тәрбиесі мен олардың әл-ауқатын арттыру мәселесі барлық мемлекеттік орган­дардың басты міндетіне айналады. Бұл бағытта мемлекет тарапынан ауқымды жұмыстар атқарылып жатыр.

– Қазірдің өзінде отбасылық және ген­дерлік саясаттың бекітілген тұжы­рым­­­дамасы бар. Үкімет тиісті жоспар қа­­былдап, онда нақты индикатор­лар, іс-ша­ралар мен жобалар қарастырылған. Өз кезегінде, Ақпарат және қоғамдық да­му министрлігі биыл репродуктивті ден­­­сау­­лықты сақтау бойынша консуль­тация­лық қызметтер ұсыну үшін грант­тық жобаны жүзеге асыруда, – деді А.Балаева.

Министрдің айтуынша, бүгінде Мәжілісте отбасылық-гендерлік саясатты және тұрмыстық зорлық-зомбылыққа қарсы заңнаманы жетілдіру бойынша бірқатар ұсыныс талқыланып жатыр. Бұдан былай балаларға қатысты жасалған қылмыстар үшін биылғы Жолдау аясында жазаны қатайтудың барлық кешенді шаралары қабылданатын болады.

– Президенттің Жолдауы кешеден бері ел аузында жүргені сөзсіз. Алда әлі талай көптеген жайт пен ұсы­ныс­ты тереңірек талқылайтын бо­ла­мыз. Бүгінгі бағдар – Жолдауда ай­­­тыл­­­­ған әлеуметтік басымдықтар бол­ған­­­дық­тан меніңше, ең маңызды са­на­­­ла­тын отба­сылық саясат, балалар, әлеу­­­мет­тік-де­мографиялық мәселелер. Елі­міз­­де алғаш­қы экстракорпоралды ұрық­­­тан­­дыру 2010 жылы жасалды. Сол кезде мемлекет экстракорпоралды ұрық­­тан­­дыру бойынша 100 квотаға ғана ақша бөлген еді. Осы аралықта елімізде көп­­те­ген сәби дүниеге келіп, көптеген отба­сы өзінің мәртебесін нығайтты, – деді Прези­дент жанындағы Қазақ­стан­ның стра­те­гиялық зерттеулер институты ди­рек­торы­ның кеңесшісі Мәдина Нұрғалиева.

– Экстракорпоралды ұрықтандыру әдісінің алғашқы маманы ретінде оны енгізгеніме 25 жыл толып отыр. Біз көбіне ақылы түрде қызмет көрсеттік. Биыл 1 мыңнан сәл асатын квотаға қол жеткіздік. Соған қуанатынбыз. Бірақ Президент Жолдауындағы 7 мың квота бөлу шешімі біз үшін үлкен қуаныш болды. Өйткені бізге келетін адамдардың барлығы бірдей 1 млн теңге таба алмайды. Бұл ақшаның жартысы дәріге кетеді. Сондықтан бұл үлкен көмек және емделушілеріміздің барлығы қуанып жатыр, – деді «Экомед» Адам ұрпағын өрбіту емханасының басшысы Салтанат Байқошқарова.

Іс-шара барысында халықтың репродуктивті денсаулығын сақтаудың, отбасы институтын нығай­тудың, балаларды тәрбиелеудің өзекті мәселелері талқыланып, түрлі ұсынымдар жасалды.

Соңғы жаңалықтар

Құрттың ішінен есірткі табылды

Аймақтар • Бүгін, 09:43

«Астана» көш бастады

Спорт • Бүгін, 09:40

Шекарашы сарбаздар ант қабылдады

Қазақстан • Бүгін, 09:20

Жартылай финалда сүрінді

Теннис • Бүгін, 07:56

Көкпар – ұлттық мінез

Руханият • Бүгін, 07:50

Ақ үйдің алғашқы мейманы

Әлем • Бүгін, 07:38

Ескі үйлерді есіркеген жоба

Аймақтар • Бүгін, 07:33

Рамзайдың «жұмбағы»

Сұхбат • Бүгін, 07:13

Нар тұлға

Руханият • Кеше

Екпе салдыру өзекті

Медицина • Кеше

Ұқсас жаңалықтар