Өнер • 08 Қыркүйек, 2020

«Астана Опера» театрының сегізінші маусымы

15 рет көрсетілді

Театрдың баспасөз қызметі жаңа маусым 18 қыркүйекте белгілі дирижер Алан Бөрібаевтың жетекшілігімен «Опералық классикаға саяхат» гала-операсымен ашылатынын мәлімдеді. Бағдарлама Tengri TV мен «Астана Операның» YouTube арнасынан ұсынылмақ.

Қойылым театрдың Үлкен залы сахнасында онлайн режімінде өтеді. Бағдарламаға ұлттық және әлемдік мұраның інжу-маржаны саналатын А.Жұбанов пен Л.Хамидидің «Абай», Дж.Россинидің «Се­виль шаштаразы», П.Чай­ков­скийдің «Евгений Онегин» операларынан көріністер енген. Гала-операда елордалық труппаның танымал солистері өнер көрсетпек.

Театр басшылығы алдағы уақытта жұртшылыққа айтулы премьералар мен кон­церттік бағдарламалар, атап айтқанда, қазан айының басында Г.Доницеттидің «Дон Паскуале» қойылымының премьералық онлайн-көр­сетілімі ұсынылса, іле-шала В.А.Моцарттың музыкасы негізінде көрнекті хореограф И.Килианның қатысуымен қойылған «Алты би» эксклю­зивті балеті көрерменге жол тар­татынын айтты. Одан кейін театрсүйер қауым наза­рына көптен күткен премьералар: Г.Доницеттидің «Махаббат сусыны» операсы және Т.Қа­жығалиев, Р.Гайсин мен К.Пи­но-Кан­тананың музыка­сына қо­йылған Патрик де Ба­наның «Дала үні» ұлттық бале­ті ұсынылмақ.

Тибор Кочактың музыкасына ертегі желісімен жа­зылған Дьюла Харанго­зо­ның «Ақшақар мен жеті ер­гежейлі» балеттік спектаклі де жаңа маусымның басты тартуы екені алға тартылды. Әйтсе де, классиканы сүйетін көрермен үшін биылғы айтулы премьера Е.Рахмадиевтің «Алпамыс» ұлттық операсы болмақ.

– Бұл маусымды тосын да тың форматта ашқа­лы отыр­мыз. Әртістер зал­­­дағы кө­рерменсіз сах­нада өнер көрсететін бо­­лады. Қойылымдар мен кон­церттердің тікелей көр­сетілімдері қыркүйек айына жоспарланып отыр. Қазір солистер осыншалық ұзақ үзі­лістен кейін жұмысқа белсене кірісіп кетті. Олар да­йындық залдарында өнер­лерін шыңдауда, алайда алғашқы кездесуіміз онлайн-форматта өтетіндігіне қарамастан іштей қобалжу да жоқ емес. Театрдың көркемдік кеңесі ұлттық және әлемдік опера мен балет классикасын, камералық музыка бағдарламаларын, сондай-ақ балалар мен жасөспірімдер аудиториясына арналған шы­ғар­маларды қамтуға барынша мән берді. Айта кету керек, көптеген жобамыз коронавирус пандемиясы салдары­нан жүзеге аспай қалды. Со­ған қарамастан, біз онлайн режімде белсенді жұмыс істедік, көптеген түрлі жобалар жасадық. Азаматтар тарапынан өнер иелеріне алғыс жаудырған хаттар өте көп, – дейді Қазақстанның еңбек сіңірген қайраткері, «Астана Опера» мемлекеттік опера және балет театрының директоры Ғалым Ахмедьяров.

«Опералық классикаға сая­хат» гала-операсынан бөлек, Н.Римский-Корсаковтың му­зыкасына қойылған «Ше­хе­разада» балеті де қыркүйек айы репертуарының жаңалығы саналады.

Соңғы жаңалықтар

Тыңғылықты дайындық бар

Қоғам • Бүгін, 08:26

Тұтынушыларға тікелей сата алады

Экономика • Бүгін, 08:17

Аймақта діни ахуал тұрақты

Аймақтар • Бүгін, 07:33

Сүйем сені, беу өмір!..

Руханият • Бүгін, 07:25

Құдықсай ауылы көмір тасып алды

Аймақтар • Бүгін, 07:24

Көпбалалы ананың кір сабыны

Экономика • Бүгін, 07:23

Махаббат сағызы

Руханият • Бүгін, 06:58

Алғаш рет әуеге көтерілді

Аймақтар • Бүгін, 06:51

Өз еліңдей ел болмас

Руханият • Бүгін, 06:50

Дағдарыс кезіндегі SEO

Технология • Бүгін, 06:34

Түз тағысын тізгіндеген

Қоғам • Бүгін, 06:31

Сібірдің Көшім ханы

Тарих • Бүгін, 06:28

Ұлттық мұраттарға ұмтылыс

Руханият • Бүгін, 06:22

Бақылауда тұр

Экономика • Бүгін, 06:20

Бағаны жәрмеңке «тұсайды»

Аймақтар • Бүгін, 06:18

Жошы ұлысы

Таным • Бүгін, 06:11

Жалған жаланың құрбаны

Тарих • Бүгін, 06:09

Брукс үрейі

Руханият • Бүгін, 06:00

Сүйегі туған жерге жеткізілді

Руханият • Бүгін, 05:52

Көне көліктері көз тартады

Қоғам • Бүгін, 05:47

Табиғатты аялауға шақырды

Экология • Бүгін, 05:38

Түркістанда бас қосты

Туризм • Бүгін, 05:37

Ән кенішін іздеген...

Өнер • Бүгін, 05:27

Бір сұрақтың жауабы

Руханият • Бүгін, 05:24

«Сөзiн оқы және ойла…»

Әдебиет • Бүгін, 05:23

Әдебиеттің әліппесі

Әдебиет • Бүгін, 05:22

Ұқсас жаңалықтар