Экология • 17 Қыркүйек, 2020

Қазақстанда ерекше қорғалатын табиғи аумақтар көбейеді

32 рет көрсетілді

Ерекше қорғалатын табиғи аумақтар мәселелері туралы заңға өзгерістер мен толықтырулар енгізілді, деп хабарлайды Egemen.kz Парламент Сенатының баспасөз қызметіне сілтеме жасап.

Қазір өтіп жатқан Сенат отырысында депутаттар тиісті заң жобасын екінші оқылымда мақұлдады.

Құжаттың мақсаты – ерекше қорғалатын табиғи аумақтардың тізімін кеңейту. Яғни осыған дейін белгілі бір себеппен аталған тізімнен шығарылған және мақсаты бойынша пайдаланылмаған нысандарды ерекше қорғалатын табиғи аумақтар санатына қайта қосу рәсімін жеңілдету.

Депутаттар мұндай жағдайлардың Бурабай және Іле-Алатау мемлекеттік ұлттық табиғи парктерінде кездесетінін айтты. Сенаторлардың сөзінше, қабылданған заң табиғи кешендерді сақтап, экологиялық туризмді дамытуға мүмкіндік береді.

Сондай-ақ жиында Сенат Қазақстан Республикасының кейбір заңнамалық актілеріне сыбайлас жемқорлыққа қарсы іс-қимыл мәселелері бойынша өзгерістер мен толықтырулар енгізу туралы заң жобасын Мәжіліске кері қайтарды. Құжатты екінші оқылымда талқылау барысында жоғарғы палата депутаттары Мәжіліс мақұлдаған заң жобасына өзгерістер енгізу қажет деп тапты.

Нақтырақ айтсақ, Қылмыстық кодекстің 412-бабының бірінші тармағын өзгерту туралы ұсыныс жасалды.

Еске салайық, талқыланып жатқан заң жобасы сыбайлас жемқорлықтың алдын алу жөнінде қосымша шараларды енгізуді көздейді.

Соңғы жаңалықтар

Пневмониядан 5 адам қайтыс болды

Коронавирус • Бүгін, 10:00

ШҚО-да тұрғындар эвакуацияланды

Аймақтар • 09 Сәуір, 2021

Тасқын қаупі әуеден зерттелді

Аймақтар • 09 Сәуір, 2021

Алматыда тау баурайы отқа оранды

Аймақтар • 09 Сәуір, 2021

Алматыда карантин күшейтіле ме?

Коронавирус • 09 Сәуір, 2021

Ұқсас жаңалықтар