![18 қаржы пирамидасы әшкереленді](/media/2020/09/24/2020082410310570846_2020082409342330932_2020022121494132407_.jpg)
Ведомство өкілі қазір тергеу амалдары жалғасып жатқанын, сондай-ақ елімізде Қылмыстық кодекстің 217-бабына сәйкес қаржы пирамидаларының қызметіне тыйым салынғанын жеткізді.
«Жоғарыдағы қылмыстық фактілердің салдарынан адамдар алданып, зардап шеккен. Олар құқық қорғау органдарына уақтылы хабарласпайды немесе ақшаны қайтара аламын деп үміттенеді. Сондықтан қазір алдын алу жұмыстарына басымдық беріліп отыр», деді Е.Жұма.
Спикердің айтуынша, Әкiмшiлiк құқық бұзушылық туралы кодекстің 150-бабына сәйкес, қаржы пирамидаларын насихаттайтындарға қатысты әкімшілік жауапкершілік қарастырылған.
Қаржы мониторингі комитетінің төрағасы Жанат Элимановтың сөзіне сүйенсек, 8 айда ұйымдасқан қылмыстық топ ұйымдастырушылары мен мүшелеріне байланысты 44 қылмыстық іс қозғалды. Бұл соңғы 5 жылдағы ең үлкен көрсеткіш.
Талдау арқылы заңсыз қолма-қол ақшамен айналысатын 60-тан астам ықтимал қылмыстық топ анықталды. Осы мақсатта олар 1200-ден астам жалған компания құрып, қаржы айналымы 2 трлн теңгеден асқан.
«Барлық қылмыстық іс бойынша 98 адам күдікті деп танылып, оның 28-і қамауға алынды. Тағы 29-ы үйқамақта отыр. Жалпы, 19 ұйымдасқан қылмыстық топ құрықталды. Соңғы 5 жылда алғаш рет заңсыз қолма-қол ақшаны алу деңгейі 38%-ға азайды», деді Ж.Элиманов.
Жауапты орган басшысы бюджет қаражатын жымқыру фактілерін анықтау ерекше назарда екенін айтты. Бұл бағытта Бас прокуратурамен бірлесіп, «Қазына» жедел алдын алу іс-шарасы қолға алынған. Оның аясында бір күндік фирмалармен 63 млрд теңгеге тұрақты түрде өзара есеп айырысқан мемлекеттік сатып алудың 90-нан астам күмәнді жеңімпазы анықталды. Осыған қатысты 20 қылмыстық іс қозғалып, қалғандары бойынша тексеру жұмыстары жүргізілуде.
Бұған қоса комитет төрағасы былтыр жалған алкогольді өнімдер шығаратын 50-ден астам жерасты цехы жойылып, заңсыз айналымнан 1,5 млн-нан астам шөлмек, 400 мың литрге жуық спирт, сондай-ақ 500 мың жалған есепке алу бақылау маркалары тәркіленгенін жеткізді.
Ведомство өкілдерінің деректеріне сенсек, биыл 8 айда 765 заңсыз ойын мекемесінің жолы кесіліп, 22 жасырын казино жойылды. Ойын терминалдары, рулеткалар және тағы басқа түріндегі 12 мыңға жуық зат тәркіленді.