Туризм • 24 Қыркүйек, 2020

Халықаралық туристер саны 65%-ға қысқарған

504 рет
көрсетілді
4 мин
оқу үшін

Дүниежүзілік туризм ұйымының (ДТҰ, World Tourism Organization) соңғы дерегі бойынша, 2020 жылдың алғашқы жартысында халықаралық туристер саны 65%-ға қысқарған. Мамандар мұны туризм саласында бұрын-соңды болмаған көрсеткіш деп отыр. Ал 2019 жылдың жартыжылдығымен салыстырғанда халықаралық туристер саны 93%-ға төмендеген. Туризм саласының дәл бұлай құлдырауына әлемді әбігерге салып, халықты оқшаулануға мәжбүр еткен – коронавирус пандемиясы.

Халықаралық туристер саны 65%-ға қысқарған

Десе де кейінгі бір-екі аптаның көлемінде шетелдік туристерге көп бағыттар қайта есігін аша бастады. ДТҰ хабарлауынша, қыркүйек айы­нан бастап туристік аймақтардың 53%-ы сапарға қойылған шектеуді алып тастаған. Дегенмен көп елдің үкіметі бұ­рынғыша сақтық танытып отыр. Ең кейінгі есеп 2020 жылдың алғашқы жартысында енгізілген шектеулер халықаралық туризмге қатты әсер еткенін көрсетті. Келушілер санының бірден азайып кетуі миллиондаған жұмыс орны мен мекемелердің қызметіне қауіп төндірді.

 

Экономикалық шығынды есептеу

ДТҰ мәліметі бойынша, 2020 жылдың қаңтары мен маусымы аралығында халықаралық сапар­ларға сұраныстың бірден төмендеп кетуі 440 миллион доллар халықаралық табыс пен халықаралық туризмнен келетін 460 миллиард АҚШ доллары экспорттық кірісінен айырды. Бұл 2009 жылы жаһандық экономикалық және қаржылық дағдарыс жағдайында тіркелген халықаралық туризм шығынынан шамамен бес есе көп.

Қауіпсіз және жауапкершілікке алынатын халықаралық сапар­лар енді әлемнің көп бөлі­гінде қолжетімді және үкімет жаһан­дық туризмді жандандыру үшін жеке сектормен тығыз жұмыс істегені маңызды.

ДТҰ бас хатшысы Зу­раб По­лоликашвили: «Әлем­дік ту­ри­зм­нің «кейінгі баро­мет­рі» пандемияның туризмге, мил­лион­даған адам­дардың тір­шілік көзі болып есептелетін сек­торға қалай әсер еткенін көр­сетті. Қауіпсіз жә­не жауапкер­шілікке алынатын ха­лықаралық сапарлар енді әлемнің көп бөлігінде қолжетімді, және үкі­мет жаһандық туризмді жан­дан­дыру үшін жеке сектормен ты­ғыз жұмыс істегені маңызды. Жүйелі әрекет – жетістік кілті», дейді.

 

Әлемнің барлық аймағы қатты зардап шекті

Мамырдың екінші бөлігінен бастап көптеген туристік бағыт­тың жұмысы біртіндеп жандана бастағанына қарамастан, Солтүстік жарты шарда жазғы маусым кезінде халықаралық туризмнің көрсеткіші жақсарған жоқ. Жалпы 2020 жылдың алғашқы жартысында Еуропаға келуші туристер саны 66%-ға қысқарған. Америка (-55%), Африка мен Таяу Шығыс (екеуі де -57%) та зардап шекті. Де­генмен Азия-Тынық мұхит айма­ғы COVID-19-дың туризмге әсерін алғаш болып сезініп, ең көп зардап шекті. Яғни сарықұрлықта алты ай ішінде туристер саны 72%-ға қысқарды.

Субөңірлік деңгейде ең үлкен құлдырау Солтүстік-Шығыс Азия­да (-83%) және оңтүстік Жерорта теңізінде (-72%) байқалды. Әлем­нің барлық өңірлері мен суб­өңірлерінде 2020 жылдың қаңтар-маусымында кіріс 50%-ға төмендеді.

Мамандардың болжамы бо­йынша, сапарға сұраныстың тө­мен­деуі және тұтынушылардың сенімі жыл соңына дейін нарыққа әсер етуі мүмкін. Мамыр айында ДТҰ халықаралық туристік сапарлар санының 2020 жылы 58%-дан 78%-ға дейін төмендегенін мәлімдеді.

Десе де сала мамандары 2021 жылға дейін туризм саласын­да алға жылжу болатынына сенім­ді. Оған сапарларға арналған шектеу­лердің біртіндеп алынуы, вакцинаның қолжетімді және емдеу мен саяхатшылардың сенімі қайта оралуы туралы болжам негіз болып тұр. Дегенмен туристік  саланың  2019 жылғы көрсеткішке жету үшін 2,5 жылдан 4 жылға дейін уақыт қажет екені айтылуда.