Қазақстандық электрокарлар автоөнеркәсібінің жай-күйі мен даму перспективасы және «жасыл экономика» үшін автомобиль экологиялық хабын қалыптастыру жөніндегі шаралар туралы «Қазақстандық автобизнес қауымдастығы» заңды тұлғалар бірлестігінің президенті А.Лаврентьев пен JAC Motors компаниясы бас директорының орынбасары Юй Ян, «Қазақстанның өнеркәсіп қоры» АҚ басқарма төрағасы Н.Байбазаров және «ӨКМ Операторы» ЖШС бас директоры М.Құмарғалиев баяндады.
2021 жылы Қазақстанда автобустарды қоса алғанда, түрлі үлгідегі 1200 бірлік электр көлігін шығару жоспарланған, 2022 жылы бұл көрсеткіш 2000 бірлікке дейін жеткізіледі. Бұл көліктер ішкі нарыққа және шетелге экспортқа шығарылатын болады.
Бүгінгі таңда Нұр-Сұлтан қаласында электромобильдерге арналған 50-ден астам қуаттандыру стансасы жұмыс істейді. Бұл тізімді Ұлттық павильон аумағында орнатылған арнайы аймақтар толықтырды, олар бір мезгілде 25 электромобильді қуаттандыруға мүмкіндік береді. Үкімет басшысына JAC IEVS4 және JAC IEV7S электромобильдерінің модельдері, сондай-ақ толық өлшемді NIO ES6 және NIO ES8 кроссоверлерінің үлгісі көрсетілді.
Іс-шараға Премьер-Министрдің орынбасары Р.Скляр, Индустрия және инфрақұрылымдық даму министрі Б.Атамқұлов және т.б. қатысты.
