Аймақтар • 28 Қаңтар, 2021

Атырау облысында 50 239 кәсіпкерлік нысаны бар

25 рет көрсетілді

Бұл туралы облыс әкімі Махамбет Досмұхамбетовтің төрағалығымен өткен жиында айтылды. Облыстық экономика және бюджеттік жоспарлау басқармасының басшысы Азамат Сәлімбаевтың айтуынша, өткен жылы өңірдегі шағын және орта кәсіпкерлік субьектілерінің саны 50 239-ға жетіп отыр, деп хабарлайды Egemen.kz

«Былтыр пандемия жағдайына қарамастан өңірде шағын және орта кәсіпкерлік субьектілерінің өсімі байқалды. Әсіресе Атырау қаласында, Индер мен Қызылқоға ауданында артты. Сондай-ақ, 55,7 мың тонна ет, 64,7 мың тонна сүт өндіріліп, ауыл шаруашылығы өнімінің қоры өсті. Бұдан бөлек, мүйізді ірі қара, қой мен ешкі, жылқы, түйе саны артып отыр», дейді Азамат Сәлімбаев.

Оның мәлім етуінше, өткен жылы 24 044 жаңа жұмыс орны құрылды. Оның ішінде 15 400 тұрақты жұмыс орны бар. «Жұмыспен қамту орталығы арқылы 25 мыңға жуық адам еңбекке араласты. Қоғамдық жұмысқа 6 357 адам орналастырылса, 663 адам әлеуметтік жұмыстарға, 16 817 адам вакантты жұмыс орындарына және 1 081 түлек жастар тәжірибесіне жіберілді.

Ал «Еңбек» бағдарламасының бағыттарымен 29 231 адам қамтылды» дейді экономика және бюджеттік жоспарлау басқармасының басшысы Азамат Сәлімбаев. Облыс әкімі Махамбет Досмұхамбетов жұмыссыздықтың алдын алу мәселесіне баса мән беріп, осы бағыттағы бағдарламалардың орындалуын қадағалауды тапсырды. «Биыл жұмыссыздық деңгейін 4,9 пайыздан асырмау үшін нақты шаралар қабылдау қажет. Тұрақты жұмыс орындарын құру жоспарына сәйкес, оны 12 800-ден асырған жөн. Сонымен қатар шағын және орта кәсіпкерлік саласында нысаналы көрсеткіштерге қол жеткізуді, салаға қатысты нысандардың уақытылы пайдалануға берілуін қадағалауды тапсырамын» деді Махамбет Досмұхамбетов. Облыстық кәсіпкерлік басқармасының басшысы Әбдуахит Әбішевтің айтуынша, биыл 800 млн теңгенің алты жобасын іске асыру жоспарланып отыр.

«Өңірдің өнеркәсіп өндірісі мен инвестиция тарту көлемін арттыру – аса маңызды. Азық-түлік қауіпсіздігін қамтамасыз ету үшін ауыл шаруашылығы саласына қолдау жасалады. Осыған орай ауыл шаруашылығы басқармасы мен Атырау қаласының әкіміне әлеуметтік маңызы бар азық-түлік тауарларының бағасына тұрақты мониторинг жүргізуді тапсырамын. Тұрақтандыру қоры арқылы алынған өнімдермен қала және аудан орталықтарындағы ірі сауда орындары қамтамасыз етілуі керек», деді облыс әкімі.

Соңғы жаңалықтар

Ақыретке дейінгі адалдық

Өнер • Бүгін, 10:23

Hayat-Vax қандай вакцина?

Медицина • Бүгін, 07:21

Көңіл және қоғам

Қоғам • Бүгін, 07:20

Қайта түлеген Түркістан

Қазақстан • Бүгін, 07:11

Заманмен рухтас оқу орны

Білім • Бүгін, 07:10

Диқандар дала жұмыстарына шықты

Аймақтар • Бүгін, 07:07

Шұбайқызыл қызғалдағы

Таным • Бүгін, 00:16

Тән тұншығулы, жан шыңғырулы

Әдебиет • Бүгін, 00:11

Тереңдік тағылымы

Әдебиет • Бүгін, 00:06

Сырдың сәні – сексеуіл

Аймақтар • Бүгін, 00:04

Қасым сүйген Сақыпжамал

Руханият • Кеше

Қазандағы атыс

Әлем • Кеше

Кенбаев кеңістігі

Өнер • Кеше

Ұқсас жаңалықтар