Жүздесу барысында М.Шоранов Қазақстанда COVID-19 таралуының алдын алу бойынша жүргізіліп жатқан жұмыстар, соның ішінде вакцинопрофилактика мәселелері туралы хабардар етті және АДБ-ға денсаулық сақтау жобалары бойынша тиімді ұзақ мерзімді ынтымақтастық үшін, оның ішінде құрамында дәрі-дәрмек пен Қазақстандағы аз қамтылған отбасыларды қорғаудың бастапқы медициналық құралдары бар дәрі қобдишаларымен қамтамасыз ету мақсатында COVID-19-ға қарсы күрес бойынша көрсетілген гранттық көмек үшін алғысын білдірді.
«Биыл 1 ақпаннан бастап Қазақстанда жаппай коронавирус инфекциясына қарсы вакциналау басталды. Бірінші кезекте бұл инфекциялық стационарлардың, жедел медициналық жәрдемнің, сондай-ақ басқа да медицина қызметкерлерін қамтиды. Кейін вакцина көлемінің жеткіліктілігіне қарай вакциналанатын контингентті одан әрі кеңейте отырып, қатарға педагогтер, күш құрылымдарының қызметкерлері қосылатын болады. Бүгінде халықты коронавирустан қорғау, яғни КВИ бойынша қалыптасқан жағдайды жеңуге және карантинсіз әдеттегі өмірге оралуға мүмкіндік беретін вакциналаумен қамту өте маңызды», деді М.Шоранов.
Н.Маннапбеков АДБ-ның Қазақстандағы өкілдігінің қазіргі қызметі туралы айтты. Кездесу барысында АДБ қызметкерлері вакцинаға қол жеткізуге жәрдемдесудің Азия-Тынық мұхиты тетігін (Asia Pacific Vaccine access Facility, APVAX) таныстырды. APVAX дамушы мүше елдерге COVID-19 вакциналарын сатып алуға және жеткізуге қолдау көрсететін ресурстар пакеті мен механизмді ұсынады және 2 компоненттен тұрады: жедел әрекет ету және инвестициялық компоненттер.
Вакцинаның алдын алу мәселелеріне шетелдік серіктестерді ынтымақтастыққа тарту бойынша жүргізіліп жатқан жұмыстың маңыздылығын ескере отырып, тараптар эпидемиологиялық жағдайды ескере отырып, Қазақстан Республикасының аталған APVAX тетігіне қатысу мүмкіндігін қарастыруға келісті.
