Білім • 22 Ақпан, 2021

Кітап оқудан кім алда?

17 рет көрсетілді

Мектеп оқушылары арасында өткен «Кітап оқығанды жақсы көремін» республикалық байқауы бала қиялының шексіздігіне көз жеткізді.

Халықаралық EDU Stream­ оқу орталығы мен Express Publishing баспасы бірігіп ұйымдастырған бай­­қауға еліміздің түкпір-түк­пірінен 150-ге жуық бейнеролик келіп түскен. Алматы, ШҚО, Қарағанды, Ақмола, Маң­ғыстау, Атырау, Ақтөбе, Түркістан, Павлодар, Қостанай өңір­лерінен қа­тысқан бала­лардың бір ми­нуттық роли­гінде кітапқа, білімге деген сүйіс­пеншілік сезімі баяндалады. Өнерлі жасөспірімдер тың жоба барысында сюжетке сценарий жазуға, бейнемонтаж жасап, өздерін камера алдында еркін ұстауға талпынған.

Өткен жылдың 14 желтоқ­саны мен биылғы 1 ақпанға дейінгі аралықты қамтыған сайыс­ қо­ры­тындысы қазылар алқа­сы­ның шешімі мен көрермен көзайымы, яғни EDU Stream-нің инстаграм парақшасында ең көп лайк пен пікір жина­ғандар санаты бо­йынша шыға­рылды.

Байқау нәтижесінде Маң­ғыстау облысы, Мұнайлы ауда­ны № 6 мектебінің 5-сынып оқушысы Алмас Таласхан «Көрер­мен көзайымы» атанып,­ инстаграмда ең көп лайк пен пікір жинаса, ал  қазылар ал­қасының шешімімен бас жүл­де Өскемен қаласындағы №30 мектептің 1-сынып оқу­­­шысы Кирилл Егоровқа бұйыр­ды. Өзінің физикаға деген құш­тарлығын паш еткен балақайға қазылар алқасы бір ауыз­дан жоғары баға беріп, жеңім­паз деп таныды. 

– Балалардың арман-қия­лын түрлі форматта жеткізе білуі маған өте ұнады. Бірін­ші кезекте мені қатты таңғал­дыр­­ғаны – бірінші сынып оқу­­­шысының физиканы әлі оқымай жатып физика не үшін керек екенін саналы түрде бі­ліп отырғаны. Байқау өте сәт­ті өтті. Қазір инстаграмда, тик-токта түрлі трендтер көп, ал бірақ дәл қазір ба­ла­­лар­ға осындай маңызды жо­­балар жетісе бермейді. Сон­­дықтан «Кітап оқығанды жақ­­сы көремін» байқауы әрі қа­рай да жүйелі жалғасын та­­ба беруіне тілектеспін, – де­ді қатысушылардың жұ­мы­сын бағалаған сарапшы, «Тенгриньюс» АА қазақ редак­ция­­сының бас редакторы Ар­дақ Құлтай.

Айта кететін жайт, қазы­лар алқасы құрамына таны­мал журналистер, қоғам қайрат­кер­лері мен блогерлер тартыл­ды. 

– Бүгінгідей интернет да­­мыған заманда балалар­дың­ кітап оқудан да артта қа­­лып жатпағаны мені қай­ран қалдырды, – дейді қазы­лар алқасының мүшесі, Қа­зақ­станның іскер әйелдер қауымдастығының президенті Раушан Сәрсенбаева.  – Бала­ларымызға мән беріп, олармен қоян-қолтық жұ­мыс істеу үшін мұндай байқау­ларды әлі де көбейте беруіміз керек.

 

Соңғы жаңалықтар

Алматыда эпидахуал мәз емес

Аймақтар • Бүгін, 18:02

Тұрғын үй бағасы қашан тұрақтайды

Қазақстан • Бүгін, 15:55

Қазақстанда күн қайта суытады

Ауа райы • Бүгін, 10:43

Ұқсас жаңалықтар