Мәселен, 14 наурызда Есіл ауданында «Millionaire» караоке-мейрамханасы жұмыс режимін бұза отырып жұмыс істеді. Заң бұзу туралы материал ҚР ӘҚБтК-нің 425-бабына сәйкес әкімшілік шаралар қабылдау үшін «Есіл ауданының санитарлық-эпидемиологиялық бақылау басқармасы» РММ-ге жіберілді.
Карантин режимін бұзу Алматы ауданында орналасқан «STORM» ойын клубында, сондай-ақ Сарыарқа ауданындағы «Көктал парк» кафесінде де анықталды.
Айта кету керек, демалыс күндері елордада 10-ға жуық мекеме карантиндік шектеулерді бұзғаны үшін әкімшілік жауапкершілікке тартылады.
Естеріңізге сала кетейік, 10 наурыздан бастап Нұр-Сұлтан эпидемиологиялық жағдай бойынша «қызыл аймаққа» енді. Карантиндік шектеулердің бұзылғанын анықтау және оларға жол бермеу жөніндегі мониторингтік топтардың жұмысы күшейтілген режимге ауыстырылды.
