Аймақтар • 15 Наурыз, 2021

Теміртауда жас қыздар адам тонаумен және пәтер ұрлығымен айналысқан

28 рет көрсетілді

Теміртау қаласының екі тұрғыны адам тонаумен және пәтер ұрлықтарымен айналысқан, деп хабарлайды Polisia.kz.

5 наурыз күні Теміртау қалалық Полиция басқармасына қарасты Шығыс полиция бөліміне 68 жастағы азаматша шағымданған. Жәбірленушінің айтуынша, оған белгісіз бір қыз кенеттен шабуыл жасап, қолындағы сөмкесін ашық түрде тартып әкеткен. Оның қол сөмкесінде 47 мың теңге ақша және екі ұялы телефоны болған. Жәбірленушіге келтірілген шығын көлемі 300 мың теңгені құраған.

Полиция қызметкерлеріне жәбірленуші өзіне шабуыл жасаған күдіктінің шамамен 20-25 жас аралығындағы қыз екенін айтқан. 6 наурыз күні осыған ұқсас тонау қаланың басқа азаматшасына қатысты жасалған. Жәбірленуші өзіне шабуыл жасағандардың жас қыздар екенін атап өтті. Аталған фактілер бойынша Қазақстан Республикасы Қылмыстық кодексінің 191-бабына (Тонау) сәйкес қылмыстық іс қозғалды.

13 наурыз күні полиция қызметкерлері жүргізген жедел-іздестіру іс-шаралары барысында аталған қылмыстарға қатысы бар деген күдікпен 23 және 32 жастағы екі азаматша анықталып, ұсталды. Олар қылмыстарын мойындады. Сондай-ақ, полиция қызметкерлері олардың пәтер ұрлықтарына да қатысы бар екендіктерін анықтады.

Күдіктілер кілт таңдау арқылы қаладағы пәтерлердің біріне заңсыз кіріп, құны 150 мың теңге тұратын компьютер ұрлаған. Аталған факт бойынша Қазақстан Республикасы Қылмыстық кодексінің 188-бабына сәйкес сотқа дейінгі тергеу амалдары жүргізілуде. Ұсталғандар қамауға алынды.

Соңғы жаңалықтар

Асыл ағаның шарапаты

Руханият • Бүгін, 00:08

Құймақұлақ

Руханият • Кеше

Газ бағасы неге қымбат?

Аймақтар • Кеше

Ұқсас жаңалықтар