Аймақтар • 20 Сәуір, 2021

ШҚО-да мемлекеттік қызметшілердің 64 пайызы әйелдер

14 рет көрсетілді

Бұл туралы «ANTIKOR LIVE» жобасы аясында өткен тікелей эфирде ҚР Мемлекеттік қызмет істері агенттігінің Шығыс Қазақстан облысы бойынша департамент басшысы, әдеп жөніндегі кеңес төрағасы Нұрлан Еркебаев айтты, деп хабарлайды Egemen.kz.

«2021 жылғы 1 қаңтардағы жағдай бойынша Шығыс Қазақстан облысында 686 мемлекеттік орган жұмыс істейді. Штат саны – 7853 бірлік. Нақты саны – 6799. Бос орындар саны – 1054 немесе 13,4%. Мемлекеттік қызметшілердің орташа жасы – 42 жас. Зейнеткерлік жасы алдындағы мемлекеттік қызметшілер саны – 192. Келісімшартпен жұмыс істейтін зейнеткерлер саны – 46. Салада 47 мүмкіндігі шектеулі жандар жұмыс істейді. Мемлекеттік қызметшілердің жалпы санының 64% әйелдер құрайды, оның ішінде 755 әйел басшылық қызмет атқарады. Мемлекеттік қызметшілердің 87% жоғары білімі бар, 76 қызметшінің шетелдік білімі бар (Болашақ бағдарламасын есептемегенде). 11 мемлекеттік қызметшінің ғылыми дәрежесі бар, оның ішінде 2 – ғылым докторы және 9 – ғылым кандидаты. Мемлекеттік органдарда ҚР МБА 13 түлегі, «Болашақ» бағдарламасының 4 түлегі жұмыс істейді. Облыстың мемлекеттік органдарында 18 ұлт өкілдері жұмыс істейді, оның ішінде 88% – қазақ, 11% – орыс және 1% – басқа ұлт өкілдері», дейді Нұрлан Еркебаев.

Департамент басшының сөзіне сүйенсек, 2021 жылдың 1 тоқсанында 576 бос орынға (ішкі конкурс – 234, жалпы конкурс – 342) конкурс жарияланып, оған 510 үміткер қатысқан. Қорытындысы бойынша 290 бос лауазымға (ішкі конкурста – 99, жалпы конкурста – 191) жеңімпаздар ұсынылған. 50% лауазым толтырылмаған. Ішкі конкурстармен жоғары тұрған лауазымдарға тағайындалғандардың үлесі – 70% құраса, бақылаушылардың қатысуымен өткізілген конкурстардың үлесі 100% көрсеткішті құраған. Сонымен қатар, ағымдағы жылдың 1 тоқсанында оқуға жоспарланған 459 мемлекеттік қызметші оқытылып, оның ішінде 102 қызметші қайта даярлау, 357 біліктілікті арттыру курстарынан өтті. Сондай-ақ, осы мерзімде 16 мемлекеттік қызметші тағылымдамадан өтті.

«Облыс аумағында мемлекеттік көрсетілетін қызметтердің тізіміне сәйкес 400 мемлекеттік көрсетілетін қызмет түрі беріледі. Ағымдағы жылдың алғашқы тоқсанында 3 970 013 мемлекеттік көрсетілетін қызмет түрі берілді. Оның 95%-ы электронды түрде, 3,9%-ы ХҚКО арқылы, 1,1%-ы мемлекеттік көрсетілетін қызметті берушілердің кеңселері арқылы берілді. 2021 жылдың 1 тоқсанында 8 бақылау шаралары өткізілді, оның 5-і профилактикалық бақылау, 3-і жоспардан тыс тексерулер. Барлығы 66 мемлекеттік көрсетілетін қызметтер заңнамасын бұзушылықтар анықталды. Бұзушылықтардың басым бөлігі тұрғын үй-коммуналдық шаруашылық 34, мүлік және зияткерлік меншік құқығы 16 салаларында анықталды. Сондай-ақ, есептік кезеңде Әкімшілік кодекстің 465-бабы бойынша әкімшілік құқық бұзушылық туралы 2 хаттама жасалды. Оларды қарау нәтижесінде жалпы сомасы 87 510 теңге айыппұл салынды, олар толық көлемде мемлекет кірісіне өндірілді. Бақылау және өзге де шаралардың нәтижесінде мемлекеттік көрсетілетін қызметті берушілердің 1 тұлғасы тәртіптік жауапкершілікке тартылды», дейді Нұрлан Еркебаев.

Эфир соңында, Департамент басшысы І тоқсанда Әдеп жөніндегі кеңестің 2 отырысы өткізілгенін және онда 18 мәселе қаралғанын атап өтті. Қарау нәтижелері бойынша 80 ұсыныс берілген. Оның ішінде: профилактикалық сипаттағы – 76, тәртіптік істер – 4. Аталған ұсыныстардың барлығы 100% орындалғанын жеткізді.

Соңғы жаңалықтар

Ақыретке дейінгі адалдық

Өнер • Бүгін, 10:23

Ұқсас жаңалықтар