Экология • 20 Сәуір, 2021

Жоңғар Алатауы ұлттық паркінде Сібір тау ешкісі фототұзаққа түсті

667 рет
көрсетілді
1 мин
оқу үшін

Жоңғар-Алатау ұлттық паркінің аумағында Сібір тау ешкісі фототұзаққа алынды, деп хабарлайды Egemen.kz Экология, геология және табиғи ресурстар министрлігің телеграм-каналына сілтеме жасап.

Жоңғар Алатауы ұлттық паркінде Сібір тау ешкісі фототұзаққа түсті

Жоңғар Алатауы МҰТП ғылым, ақпарат және мониторинг бөлімінің қызметкерлері парк аумағына фото-тұзақтар құру арқылы таутекелердің таралу аумағына, маусымдық құбылыстарына тұрақты бақылаулар жүргізуде.

2020 жылы парк аумағында Таутекелерді тұрақты есепке алу маршруттары арқылы санақ жұмыстары инспекторлық құрмамен, жануарлар әлемін қорғау және санын молайту, ғылым, ақпарат және мониторинг бөлімдерінің, филиалдардың аңшылықтанушы-биолог және филиалдың ғылыми мамандарымен бірлесіп жүргізілді. 2020 жылғы санақ бойынша Парк аумағындағы саны 1596 бас.

Таутеке – қуыс мүйізділер тұқымдасына жататын жұптұяқты жануар. Текелерінің дене тұрқы 140 – 167 см, салмағы 59 – 82 кг болса, ешкілері кішірек. Түсі сұрғылт, біркелкі. Қысқа қарай ірі текелерінің жотасы мен мойнында, қапталында ақ түсті жолақ пайда болады. Текесінің семсер тәрізді, көлденең бунақты, ұзындығы 140 см-дей мүйізі болады, ешкісінің мүйізі 40 см-дей. Маусым сайын таудың басынан етегіне, етегінен басына дейін ауысып, қоныс аударып отырады.

Соңғы жаңалықтар

Су үнемдейтін қондырғы

Технология • Кеше