ЕРЛІК – ЕЛГЕ МҰРА, ҰРПАҚҚА – ҰРАН

Облыста Жеңіс мерекесі қарсаңында 100 майдангер жаңа пәтер алады Бүгінгі жастар 1941-1945 жылдары соғыс болғанын, аталары­ның майданда ерлік көрсеткендерін естіп, тағзым етіп өсті. Облыс әкімі Бақытжан Сағынтаевпен кездескен Сұлтанмахмұт Тор­айғыров атын­дағы университеттің студент­тері облыс орталығының бір көшесін батыр Бауыржан аталарының есімімен аталғанын қалайтындарын жеткізді. Бұдан бұрындары да елі мен жерін қорғаған баһадүр батырлар өтті. Бұл күндері жас ұрпақтың сана­сына рух сіңдіріп, патриоттық дем беретін өткеннің осы бір жолы алыстан елес беріп жаңғырғандай. Ал, биыл 65 жыл толғалы отырған Ұлы Жеңіс мере­кесін атап өтуге әзірлік жасауда. Облыстық ішкі саясат басқар­масының бастығы Айзада Құр­манованың айутынша, алдағы 9 мамырда Жеңіс мерекесін атап өту­ге дайындық қызу жүргізілуде. Яғни, әлеуметтік қорғау бойынша шаралар, оларды жеңілдіктермен қам­та­масыз ету, тұрмыс жағдай­ларын жақсарту, ақпараттық-насихаттық, әскери-патриоттық және мерекелік шаралар өткізуге қатысты кезеңдерден тұрады. Бұл күндері облыста “Қайырымды­лық” айлығы жүріп жатыр. Биыл­ғы жылдың қаңтар айынан бастап облыс аумағында соғыс ардагер­лері үшін коммуналдық төлемдер облыс бюджетінен төленуде. Тағы бір жағымды жаңалық, ол-мереке қарсаңында ардагерлерге жаңа пәтерлер беріледі. Ал, Мәс­кеуде өтетін мерекелік шеруге облыстан екі ардагер қатысатын болса, Астанаға 10 ардагер жол жүреді. Ардагерлерге арнайы киім үл­гілері де әзірленуде. Облыс әкімі Бақытжан Сағынтаевтың бас­тамасымен ардагерлерге арнал­ған “Замандастар” клубы, арнайы басқосу, әңгімелесу үйі ашылды. Жалпы алғанда, Жеңіс мереке­сін лайықты түрде атап өтуге республикалық және жергілікті бюджеттерді қосқанда барлығы 889 миллион теңге жұмсалмақшы. Мысалы, Баянауыл ауданында бұл бағытқа арналып, 10,3 миллион теңге бөлінді. Осыған орай аудан әкімінің орынбасары Бақыт Тоқ­жігітованың айтуынша, соғыс ардагерлеріне деп емделуі бар, жол жүру шығындары, үйлерін жөндеу сияқты әлеуметтік көмек­тің 20-ға жуық түрі қарастырылған көрінеді. Әр ардагерге 20 мың тең­ге­ден ақшалай сыйлық беріледі. Облыс­тық қорғаныс істері жөнін­дегі басқарманың бастығы Асайын Алдажаровтың айтуынша, әскери техникалардың қатысумен болатын облыс орталығында өтетін биылғы мерекелік шеру де ерекше болмақ­шы. Мұрағат және құжатнама басқармасының бас­тығы Халел Әкімханов басқаратын мұрағат­шылар да бұл күндері тынымсыз еңбек етуде. Басқарма өкілдері Ресей жағындағы архив­терде бо­лып, соғыста қаза тапқан павло­дар­лықтар туралы мәлімет­тер тауып­ты. Бұған дейін облыста “Боздақтар” атты кітап шықты. Қазір осы кітаптың заңды жалға­сындай майдангерлер мен тың еңбек­керлерінің соғыстан кейінгі өмірлерін жазатын жаңа кітап­тың да жарық көруі мүмкін. Сұлтан­махмұт Тор­айғыров атын­дағы мемлекеттік универ­ситетте көршілес Омбы­дан кел­ген ғалымдардың және жер­гілік­ті тарихшылар­дың қатысуы­мен “Фашизмді жеңу­дің тарихи ма­ңызы: павлодар­лық­тардың же­ңіс­ке қосқан үлесі” атты халық­аралық ғы­­лыми тәжіри­белік кон­ферен­ция өткізілді. Ал, өткен аптада Ресей елшілігі тара­пынан “Славян” мәдени орта­лығында соғыс ардагер­лері­не, Ленин­град­ты қорғау­шыларға ресейлік мереке­лік медальдар тапсы­рылды. Облыс орталы­ғындағы Даңқ ескерт­кішінің жанынан “Зерде” атты еске алу қарауы­лын ашу салта­наты болды. Мектеп оқушы­лары 9 мамыр күніне дейін мәңгілік алау жағылған осы ескерткіш ба­сын­да қаза тапқан майдан­гер­лер­ді еске алып, құр­метті қарауыл кезегіне тұрады. Осы алаңда тұрған атақты Т-34 маркалы танк қасына да қа­рауыл қойылды. Бұл күні ес­керткіш қасына жиналған соғыс ардагерлерінің құрметіне қала­дағы кадет кор­пусының тәр­­биеленушілері ар­на­йы сап түзеп шеру­мен өтті. Фарида БЫҚАЙ, Павлодар