Ұлы Жеңіс күні – 9 мамырда күндізгі 15:00-де көрермендерге «Естелік әрі даңқты әндер» атты сырлы сазға толы концерт өтеді. Онда опера солистері, хор әртістері мен оркестрдің орындауында қазақ, орыс және батыс еуропалық классиканың озық үлгілері мен соғыс жылдарындағы танымал әндер орындалады. Ал 11 мамырда сағат 19:00-де бірегей өнер ордасында алғаш рет «Моцарт. Классика салтанаты» деген керемет кеште Вольфганг Амадей Моцарттың концерттік симфониялары театрдың аспапшы солистері мен Камералық оркестрінің орындауында шырқалады.
Сондай-ақ 14 мамырда сағат 19:00-де Qazaq Quintet үрлемелі ағаш аспаптар квинтеті мен басқа да танымал қазақстандық музыканттар Аспаптық премьералар кешін ұсынады. Оның аясында неміс композиторларының екі ірі камералық шығармасы – веналық классик Людвиг ван Бетховеннің кларнет, валторна, фагот, скрипка, альт, виолончель және контрабасқа арналған септеті, ми-бемоль мажор және Людвиг Тюйенің фортепиано мен си-бемоль мажор орындалады. 15 мамыр күні 18:00-де «Романс тарихы» топтамасынан «Үдере көшкен ақ бұлттар...» атты кеш болады.
19 мамырда кешкі 19:00-де «Астана Опера» камералық хоры, опера солистері мен оркестр әртістерінің қатысуымен көрнекті композитор, дирижер, Қазақ КСР еңбек сіңірген өнер қайраткері Қапан Мусиннің 100 жылдық мерейтойына орай «Сайра, бұлбұл» атты сазды кеш өтеді. Сонымен бірге жұртшылық 23 мамырда күндізгі 15:00-де «Алақай, демалыс!» топтамасынан «Өнерлі жастар тартуы» мен 27 мамырда 19:00-де Next Generation концертін көресіз. 28 мамырда 19:00-де «Астана Опера» оркестрінің әртістері ХХ ғасырдың ең көрнекті композиторларының бірі С.Прокофьевтің 130 жылдығына арнап «Прокофьевке тарту» камералық музыка концертін ұсынады. Ал 30 мамырда сағат 18:00-де «Музыка құдайы қоныстанған opus...» атты музыкалық кешті тамашалайсыз.
