![Киносыншыларды ынтымақтастыққа шақырды](/media/2021/05/17/crop-24_11_697x1045_1-2.jpeg)
«Шетелдің, ең алдымен өзіміз де танысқан Түркияның тәжірибесі көрсетіп отырғандай, телехикаялардың идеологиялық мазмұны мен сапасын арттыру аспектілерінде тек киносериалдық өндіріс кешенінің барлық қатысушылары біріккенде ғана, яғни сценарист пен режиссерден бастап сыншы-рецензентке дейін, бұл салада едәуір нәтиже көрсетуіміз мүмкін. Бұл процестерге киносыншылар институты қатыспай, қазақстандық телехикаялар мәдени периферияда қала бермек», деді министр.
Кездесу барысында киносыншылар Қазақстандағы киносериалдық индустрияны дамыту саласына қатысты өз ұсыныстары мен пікірлерін білдірді. Осы орайда А.Балаева: «Ақпарат және қоғамдық даму министрлігі телехикаялардың кәсіби орындалуы мен идеологиялық мазмұнының сапасын арттыру мақсатында сіздерді ынтымақтастыққа шақырады», деді.
Іс-шара соңында А.Балаева министрлік телехикаялық өнім саласын дамыту мәселесі бойынша сындарлы ұсыныстарға ашық екенін атап өтті, деп хабарлады Ақпарат және қоғамдық даму министрлігінің баспасөз қызметі.