Қалалық ПД тергеу бөлімінің басшысы, полковник Евгений Годлевский ірі көлемде пара алды деген күдікке ілінді. Алайда, кей деректер бойынша бұл көпшіліктің наразылығын тудырған жаңалық болды. Себебі, оны қалың жұртшылық құқық қорғау органдарында 25 жылдық тәжірибесі бар қызметкерлердің бірі деп отыр. Сондай-ақ осы күзде зейнетке шыққалы отырған жайы бар.
Облыстық ПД баспасөз қызметі лауазымды тұлғаның ұсталғанын растады. Бірақ оған қатысты толыққанды түсініктеме берген жоқ. Департамент бастығы әлеуметтік желіде: «...тергеу басқармасының лауазымды тұлғаларының әрекеттеріне қатысты бірқатар заң бұзушылық анықталды», деп қысқа ғана жазды.
