Ж. Бекшиннің айтуынша, Алматыда эпидемиялық ахуал және инфекцияның таралуына жол бермеу карантиндік шараларды сақтауға және мегаполис тұрғындарының вакциналану қарқынына тікелей байланысты.
Алматының бас санитарлық дәрігері дерт жұқтырғандар санының күрт өсуіне байланысты эпидемиологтардың 18 маусымнан бастап Алматыда мутацияланған штамдарға зерттеу жүргізе бастағанын атады.
Қалада бұрын эпидемиялық ахуалдың британдық «Альфа» штамына қатысты болса, енді болжам бойынша Нұр-Сұлтан қаласы мен Ресейден келген «Дельта» штамынан өрши түскен.
Ж. Бекшиннің айтуынша, 30 маусымда кезекті зерттеулердің нәтижесі алынған.
«46 сынаманың 36-да «Дельта» штамы, 8-інде «Альфа» штамы және екеуінде – ашылмаған мутация анықталды. Алматыдағы эпидемиялық ахуал коронавирус дертіне шалдыққандарды зерттеу барысында анықталған 78% үлгісінде COVID-19 жаңа «Дельта» штамына байланысты болуда», деді Санитарлық-эпидемиологиялық бақылау департаментінің басшысы.
Ж. Бекшин қала тұрғындары мен қонақтарын халық көп жиналатын орындарға бармауға, әлеуметтік қашықтық пен бетперде режимін сақтауға шақырды.
Коронавирустың жаңа штамы тез таралатынын әрі қала тұрғындарының денсаулығы үшін өте қауіпті екенін, сондықтан вакциналану қажеттігін еске салды.
