Аймақтар • 31 Тамыз, 2021

Ауыз су мәселесі қалай шешілуде?

96 рет көрсетілді

Ауыз су әлемдік мәселеге айналып тұрған кезде тұщы су көзі қат Маң­ғыс­таудағы ахуал айт­паса да түсінікті. Су жетіс­пеу­ші­лігі тұр­ғын­дар­дың жиі көте­ретін негізгі талап­та­ры­ның бірі. Осы орайда Маңғыстау облысы әкімінің баспаөз қызметі өңірде ауыз су мәселесін шешу үшін жасалып жатқан жұмыстардан хабардар етті.

Өңірді ауыз сумен қамту мақсатында былтыр 5 жылға арналған жоспар жасалып, облыстағы су мәселесі жан-жақ­ты зерделеніп, тіршілік нәрінің тап­шылығын жою жолдары жоспарланған. Сол жоспар бо­йынша биыл бірқатар жоба іске қосылады.

Біріншісі – Ақтау қаласы және оған іргелес орна­лас­қан Мұнайлы, Қарақия аудан­дарының ауылдарын ауыз сумен жеткілікті деңгейде қамтамасыз ету мақсатында «Каспий» су тұшыту зауытының қуатын екі есе, яғни 40 мың текше метр­ге дейін ұлғайту көзделген еді. Қазір жұмыс өз деңгейінде жүргізілуде. Республикалық бюджеттен 2021 жылға де­йін 1,0 млрд теңге бөлініп, толық­тай игерілді. Биыл аталған жұмыстарды жалғастыруға тағы да 6,7 млрд теңге бөлініп, тамыз айында жергілікті бюджетке тиісті қаражат толықтай түсті. Жобаны 2022 жылдың басында аяқтау жоспарланған. Екіншісі, «ҚазМұнайГаз» ұлттық компаниясы «Қаражанбас» кен ор­нында тәулігіне 17 мың текше метр су тұшытатын зауыт салып жатыр. Бұл зауыт биыл жыл соңына іске қосылады деп күтілуде. Өндірістен ауысқан су тұрғындардың қажетіне алынатын болады. Сондай-ақ «МАЭК-Қазатомөнеркәсіп» ЖШС-не қарасты тәулігіне 24 мың текше метр су тұшы­та­тын қондырғы салу жос­парланған. Қазір жобалық-сме­талық құжаттамасы жасалуда. Құжат толық ресімделіп біт­кен­нен кейін, жобаны келер жылы бастау көзделген. Бұл жобаларды Форт-Шевченко қа­ла­сында қуаты тәулігіне 5 мың текше метрді құрайтын су тұшыту қондырғысын NKOK компаниясы облыс үшін әлеу­меттік қолдау аясында іске асы­руды жоспарлап отыр.­ Жос­­­парға­ сәйкес, дәл осындай жо­ба Ақшұқыр және Сайын Шапағатов елді мекендерінде де салынады. Ал Ақшұқыр ауылында теңіз жағалауында 8 құдық іске қосылды. Бұл құд­ықтар бұдан бұрын негізі қаланып, іске қосуға дайын болғанымен, әртүрлі себептер­мен өз жұмысын тоқтатып келген болатын. Сонымен қатар Маңғыстау облысы әкімі бас­па­сөз қызметінің хабарла­уынша, «ҚазМұнайГаз» ұлттық компа­ния­сы тарапынан құны 87 млрд теңге болатын Кендірлі ай­ма­ғы­нан тәулігіне 50 мың текше метр су тұшытатын зауыттың құрылысы басталады. Бұл жоба Жаңаөзен қаласы тұрғындарын таза ауыз сумен қамтитын болады. Аталған жұмысты іске асыратын жаңа мекеме – «ҚМГ – Ақсу» ЖШС құрылып, бастапқы қаржы бөлініп, құжаттары ресім­делуде екен.

Тұрғындар саны жылдан-жылға арту үстіндегі өңірде су тап­шылығын болдырмау мақ­сатында Мұнайлы ауданын­да­ғы Баянды ауылында өткен айда тәулігіне 3 мың текше метр су тұшытатын мембрана іске қосылған. Бұдан бөлек, Баянды ауылында қазір тәулігіне 1 мың текше метрге дейін су тұшытатын мембрана жұмыс істеп тұр. Ақпан айының басында іске қосылған бұл мембрана «Құйылыс» жерасты су кен орнынан келген суды тұшытып, Баянды ауылын толықтай ауыз сумен қамтамасыз етіп отыр.

 –  Сонымен қатар «Құйылыс – Мұнайлы – Ақтау» бағытында жаңа су құбыры тартылады. Өңірдегі су көздерін іздестіру-зерттеу жұмыстары қолға алын­ды. Бұл алдағы жылдары облыс жұртшылығын сумен қам­ту үшін нақты шаралар қабыл­дау­ға мүмкіндік береді деп кү­ті­луде. Аталған жобалар іске қосылғанда, жаз айында болатын су тапшылығын жойып, тұрғындарды тіршілік нәрімен қамтуға қол жеткіземіз, – деді об­лыс­тық энергетика және ТҚШ басқармасының басшысы Б.Қартбаев.

                                   Маңғыстау облысы

Соңғы жаңалықтар

Індет қайта өршіді

Әлем • Бүгін, 20:44

Лисичанск кімнің қолында?

Әлем • Бүгін, 20:41

Өңірде даму үрдісі бар

Аймақтар • Бүгін, 20:27

Таңдайдың тарланы

Тарих • Бүгін, 20:24

Жоғалған солдат

Тарих • Бүгін, 20:22

Домбыраны дәріптеді

Руханият • Бүгін, 20:00

Алматыда 36 градус ыстық болады

Ауа райы • Бүгін, 16:40

Бүгін - Ұлттық домбыра күні

Қазақстан • Бүгін, 08:50

Ұқсас жаңалықтар