Аймақтар • 20 Қазан, 2021

Жаңа спорт кешені ашылды

40 рет көрсетілді

Жақында Балқаш ауданының орталығы Бақанас ауылында жаңа дене шынықтыру-сауықтыру кешені ашылған болатын. Бұл нысан өңірдегі он үшінші жаңа спорт кешені санатына қосылды.

Нысанның ашылу салтанатында сөз алған облыс әкімі Амандық Баталов Елбасы мен Пре­зи­дент­тің тапсырмаларына сәйкес облыста халық­тың әл-ауқатын арттыруға, бұқаралық спортты дамытуға жасалған жағдайға қысқаша тоқталып өтті.

– Балқаш ауданы – облыстың бір қиырында жатқан шалғай аудан. Біз осы ауданға ерекше көңіл бөліп келеміз. Бақанасқа табиғи газ жеткіздік. Газ тарату жүйесі салынып, қазіргі кезде елді мекендерде ауылішілік желілер жүр­гізілуде. Бұрын шалғайдағы Бақанасқа газ ке­леді деп ешкім ойламаған еді. Бүгінде бұл іс жүзеге асты. Өз кезегінде газдандыру халықтың өмір сүру сапасын жаңа деңгейге көтереді. Ауданда кезектегі азаматтарға, көп балалыларға, маман­дарға беру үшін тұрғын үйлерді де көптеп салып жатырмыз. «Ауыл – ел бесігі» жобасының аясында абаттандыру жұмыстарына қаржы бөліп, көркейту шаралары атқарылуда. Бүгін, міне, дене шынықтыру-сауықтыру кешенін ашып, балалардың спортпен шұғылдануына зор мүмкіндік жасалып отыр. Бұл облыста соңғы жылдары салынып, іске қосылған он үшінші кешен. Тағы төртеуінің құрылысы аяқталуға жақын. Осы жерден күні ертең мықты спортшылар шығады деп сенемін, – деген облыс басшысы балаларды жарыстарға тасымалдайтын жаңа Газель автокөлігінің кілтін спорт мектебіне сыйға тартты.

Жалпы, Бақанастағы дене шынықтыру-сауықтыру кешенінің құрылысы 2019 жылы бас­талған болатын. Оны салуға 1 млрд 102 млн теңге жұмсалды. Жалпы ауданы 4 257 шаршы метр болатын ғимаратта күрес, бокс, футбол, бас­кетбол, волейбол, теннис сияқты спорт түрлеріне баулуға барлық жағдай жасалған, тиісті спорттық құралдармен толық жабдықталған.

Соңғы жаңалықтар

Қазақстанда алтын қоры өсті

Экономика • Бүгін, 09:35

Бір тәулікте 683 науқас тіркелді

Коронавирус • Бүгін, 09:19

Халықты ревакциналау тәсілі өзгерді

Коронавирус • Бүгін, 09:15

Балық па, әлде жылан ба?

Аймақтар • Бүгін, 09:07

Үздік шетелдік ойыншы атанды

Теннис • Бүгін, 09:04

Індет кезінде тыныштық та ем

Коронавирус • Бүгін, 09:02

Ташкенттегі жарыс табысты басталды

Ауыр атлетика • Бүгін, 09:01

Ұшақ билеттері қымбаттады

Қоғам • Бүгін, 08:51

Ұқсас жаңалықтар