Аймақтар • 09 Қараша, 2021

Ғалияның көзімен қарағанда...

46 рет көрсетілді

Кеншілер астанасындағы облыстық бейнелеу өнері мұражайында өт­кен «Тәуелсіздіктің 30 сәті» атты фотобайқау-вернисажда 18-30 жас ара­лығындағы фотосуретшілер бақ сынады.

Қазылар алқасы елуден астам туынды ішінен Жезқазған қа­ла­сында тұратын фотограф Ға­лия Әб­діғаппарова түсірген сурет­терді үз­дік деп таныды.

Жеңімпаз Жезқазғанда шы­ға­тын «Сарыарқа» қалалық газе­тінің фототілшісі болып алты жыл жұмыс істеген. Қазір ол өзінің тағы бір сүйікті ісі – үстел тенни­сінен бапкер болып, балаларды жат­тықтырып жүр.

– Бұған дейін Жезқазғанда өткен осындай фото байқауға қа­тысып, бас жүлде алған едім. Ал бұл конкурсқа оншақты сурет жі­бердім. Олар, негізінен, қала­мыз­дағы түрлі іс-шаралардан, Мем­лекет басшысының Ұлытауға сапары кезінде түсірілген фотолар бо­латын, – дейді Ғалия.

Жүлделі бірінші орын Фёдор Лобовқа берілді. Ал екінші және үшін­­ші жүлделерге Татьяна Лет­нева мен Екатерина Ткаченко ие бол­ды. Бұл үш фото­суретшінің үшеуі де Теміртау қала­сында тұра­ды.

«Тәуелсіздіктің 30 сәті» бай­қауын ұйымдастырушылар жеңім­паздар мен жүлдегерлерді сертификаттармен және ақшалай сый­лықтармен марапаттады. Ал жас фотографтардың туындылары қойыл­ған көрменің есігі қараша айы­ның сегізіне дейін ашық болады.

1

 

ҚАРАҒАНДЫ

Соңғы жаңалықтар

Елорда «жасыл» аймаққа өтті

Коронавирус • Кеше

Ұқсас жаңалықтар