Әлем • 09 Қараша, 2021

Германия арзан газды армандап отыр

658 рет көрсетілді

Германияда «Солтүстік ағын – 2» газ құбырын іске қосу қажеттілігі туралы айтылды. Бұл пікірді Германияның Бундестаг депутаты, Экономика және энергетика комитетінің бұрынғы басшысы Клаус Эрнст жеткізді, деп хабарлайды Egemen.kz.

Оның айтуынша, Германияға қолайлы бағамен газ қажет, ал неміс тұтынушылары құбырды іске қосу қажеттілігін сезінген.

«Солтүстік ағын – 2» газ құбырының жұмыстары дәл қазір аяқталды. Бұл – үлкен жетістік. Енді Германияға қажет газды қолайлы бағамен жеткізе алатын сәт туды», - деді Эрнст.

Депутаттың айтуынша, қалған нұсқалар, әсіресе АҚШ-тан тасымалданатын газ қымбатқа түседі.

«Менің ойымша, неміс газ тұтынушылары және Еуропаны жеткілікті газбен қамтамасыз ету үшін бүгінде құбыр желісін іске қосу қажеттілігі туындап отыр», деп түйіндеді ол өз ойын.

Бұған дейін Эрнст Ресейдің «Северный поток – 2» газ құбырын сертификаттаудағы Украина мен Польшаның рөлін бағалады. Эрнсттің айтуынша, Украина «Солтүстік ағын – 2» сертификациясына қатыспауы керек. Елдің жалғыз міндеті — газ төлемдерін төлеу деп есептейді Парламент мүшесі.

8 қараша күні «Газпром» департаменті бастығының орынбасары Алексей Фиников «Солтүстік ағын – 2» құрылысы аяқталғанын, газ құбыры іске қосылуға дайын екенін айтты.

Соңғы жаңалықтар

Айбергенов күнделігі

Әдебиет • Кеше

Кофе және әдебиет - 6

Әдебиет • Кеше

Жасанды интеллект дәуірі

Технология • Кеше

Ұқсас жаңалықтар