ӘМСҚ: Консультациялық-диагностикалық қызметті қалай алуға болады?

Қор консультативтік-диаг­нос­ти­калық қызмет алу мүм­кіндіктері туралы ақпарат ұсынады. Бейінді маман-дәрігерлердің консультациялары, КТ/МРТ, рентген және диагностикалық қызметтің басқа да түрлері МӘМС жүйесінде сақ­тандырылған азаматтарға ем­­деуші дәрігердің жолдамасы бо­йынша тегін көрсетіледі. Олар­дан қосымша ақы талап етіл­ме­уі керек. Егер емхана аталған қызметтерді өзі ұсына алмаса, онда орындау шарты бойынша пациенттің басқа клиникадан алуын­­ қамтамасыз етуге тиіс. Мін­­дет­ті әлеуметтік медициналық сақ­­тандыру жүйесі енгізілгелі бері денсаулық сақтау саласын қар­жыландырудың едәуір артуы көп­теген сұранысқа ие бағыттар бойынша медициналық көмек кө­ле­мін ұлғайтуға мүмкіндік бер­­ді.

Кез келген консультациялық-диагностикалық қызметті па­циент­ке емдеуші дәрігер тағайын­дай­ды. Ол науқастың жағдайын, шағымдарын, аурудың белгілерін зерделейді. Тиісті көрсетілімдер болса дәрігер КТ, МРТ немесе басқа да зерттеулер жүргізуге жол­­дама жазады. Қызметті жос­пар­­лы түрде алу үшін пациент «Сақтандырылған» мәртебесіне ие болуға тиіс, өйткені емхана дең­г­ейінде бұл қызметтер МӘМС ая­сында көрсетіледі.

ТМККК шеңберінде және МӘМС жүйесінде қызмет көр­сете­тін медициналық ұйым Әлеу­мет­тік медициналық сақтан­ды­ру қорымен тиісті шарт жасасады және пациенттерге осы қыз­мет­тер­ді ұсыну бойынша мін­дет­те­мені орындауға тиіс.

«Қор тұрғындармен кері байланыс орнатып, тұрақты түрде жұмыс жүргізеді. 2021 жылы Нұр-Сұлтан қаласы бойынша 3 301 өтініш-шағым түсті, оның 41,4%-ы­ консультациялық-диаг­нос­тикалық қызмет бойынша: мыса­лы, бейінді мамандарға, диаг­ностикалық қызметтерге жете алмау немесе оны ұзақ күту, сол се­кіл­ді учаскелік қызметтерді (жалпы практика дәрігері, те­ра­певт-дәрігер, педиатр-дә­рі­гер), жедел медициналық көмек бригадасын ұзақ күту, т.б. Аза­маттардан «емхана көр­се­тілімдер болса да, өткізу мүм­кін­дігінің жоқтығына сілтеме жасай отырып, консультациялық-диагностикалық қызметке жібе­ру­ден бас тартады» деген өті­ніш­­терді жиі аламыз. Мұндай жағ­дайда, қызмет жеткізуші қор базасында тұратын медициналық ұйымдар қатарынан бірлесіп орындаушыны тартуға міндетті. Егер бірлесіп орындау шарты ешкіммен жасалмаса, онда пациентті осы қызмет түрі бо­йынша қормен келісімшартқа отыр­ған медицина ұйымдарының біріне жіберуге тиіс, жолдама бойынша көрсетілген қызмет қорытындылары негізінде шарт автоматты түрде жасалады», деп түсіндірді «Әлеуметтік медициналық сақтандыру қоры» КеАҚ Нұр-Сұлтан қаласы бо­йынша филиалының директоры Нұрлыбек Қабдықапаров.

Алайда пациент өз емханасына бармай, басқа меди­ци­на­лық орталықтарға тікелей барып, кон­сультациялық-диаг­нос­ти­ка­лық қыз­метті ақылы алатын жағ­дай­лар да кездеседі.

«Кейде біз әлеуметтік желі­лер­ден пациентке жолдама бе­ріл­­мегені және олар ақылы түр­де қызмет алғаны (мысалы КТ) туралы шағымдарды кө­ре­­міз. Мұндай жағдайларда пациенттің құқығын қорғаушы ретінде қор іске қосылады. Бірақ кейде тексеру нәтижесінде па­­циент тіпті өз емханасына жү­гін­бе­ген, бірақ дереу басқа жерде ақылы тексеруден өтуге шешім қабылдағаны анықталып жатады. Сондықтан азаматтарды ТМККК шеңберінде және МӘМС жүйесінде медициналық қыз­мет­тер­ді пайдалануға шақы­ра­мыз. Егер проблемалар туын­да­са, ал­ды­мен емхананың Па­циентті қол­дау қызметіне хабар­ласып, өз құқықтарыңызды қорғаңыздар», деп кеңес береді ӘМСҚ елорда филиа­лының директоры Н.Қабды­қапаров.

Әлеуметтік медициналық сақ­тан­дыру қоры атап өткендей, 2022 жылы халыққа көрсетілетін меди­циналық көмекті қаржы­лан­ды­ру­ға 2,049 трлн теңге, оның ішінде ТМККК бойынша – 1,2 трлн, МӘМС бойынша – 838 млрд теңге бағыттау жоспарлануда.

Бұл ретте консультациялық-диаг­ностикалық қызметтерді қар­жы­­ландыру едәуір артады. Осы мақсаттарға 231 млрд теңгеден астам, оның ішінде МӘМС бо­йынша – 187,7 млрд теңгеден астам қаражат қарастырылған. Са­лыстырмалы түрде қарасақ, бір жыл бұрын аталған қызметтерге 203 млрд теңге бағытталды, оның ішін­де 167 млрд теңге – МӘМС бо­йынша.

Егер сізде консультациялық-диаг­ностикалық қызметтерді алу­ға қатысты мәселе туындаса немесе аталған қызметтердің көр­се­тілуіне қол жеткізе алма­са­ңыз, онда алдымен өз емхана­ңыз­­дың Пациентті қолдау қыз­ме­­тіне хабарласуыңыз қажет. Томогра­фияны немесе басқа да қыз­меттерді ұзақ күтіп, өту мүм­кін­дігі болмаған жағдайда, ден­саулық сақтау басқармасынан жағ­дайды нақтылай аласыз. Егер мәселені сол жерде шешу мүм­кін болмаса, онда Әлеуметтік медициналық сақтандыру қорына өзіңізге ыңғайлы тәсілмен өтініш беріңіз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.