Аймақтар • 14 Наурыз, 2022

Алматы әкімдігінің ғимараты қашан жөнделіп болады

84 рет көрсетілді

Қазақстан Премьер-Министрінің бірінші орынбасары Роман Скляр Алматы әкімдігі ғимаратының қайта жаңғыртылуы қашан аяқталатынын айтты, деп хабарлайды Egemen.kz.

«Елеулі зақымдарды ескере отырып, Алматы әкімдігі мен «Қазақстан» ТРК ғимараттарын реконструкциялау 2022 жылдың қазан айында аяқталады деп жоспарлануда», деді Роман Скляр.

Оның айтуынша, тәртіпсіздік барысында 1 630 ШОБ субъектісінің мүлкі зардап шегіп, келтірілген шығын сомасы 38,6 млрд теңгені құрады. Тиісті төлемдер Үкіметтің резервінен, сондай-ақ жеке қорлардан төленеді.

11 наурыздағы жағдай бойынша өңірлік комиссиялар 1 630-дан 1 192 өтінімді мақұлдады. Қалған кәсіпкерлер бағалау рәсімдері аяқталғаннан кейін өтем алады.

Сонымен қатар барлық ШОБ субъектілеріне қолдау көрсетілді:

  • мемлекеттік мүлікті жалдау ақысынан босату;
  • жеке және заңды тұлғалардың қарыздары бойынша төлемдерді кейінге қалдыруды ұсыну;
  • қарыз алушылар бойынша талап-арыз жұмыстарын және мерзімі өткен берешекті өтеу қажеттілігі туралы қарыз алушының хабарламаларын тоқтата тұру;
  • салықтар мен төлемдерді төлеу мерзімдерінің өзгеруі;
  • Мемлекеттік кіріс органдары бастаған және бастамашылық жасаған салықтық және кедендік тексерулерді тоқтата тұру және камералдық бақылау бойынша хабарламаларды ұсынбау.
Соңғы жаңалықтар

Доллар арзандады

Экономика • Бүгін, 16:42

Мұнай бағасы арзандады

Экономика • Бүгін, 13:23

Ұқсас жаңалықтар