ҚР ОСК мүшесі Шавкат Өтемісовтің айтуынша, Мұхтар Ерман өз ыхтиярлығы бойынша өтініш берген.
«Мәжіліс депутаты Мұхтар Ерман өз еркімен өкілеттігін мерзімінен бұрын тоқтату туралы өтініш берді. Осыған байланысты ОСК Конституцияға және «ҚР Парламенті және оның депутаттарының мәртебесі туралы» Заңға сәйкес оның өкілеттігін мерзімінен бұрын тоқтату туралы ұсыныс енгізеді», деді ҚР ОСК мүшесі Шавкат Өтемісов.
Сонымен қатар Мұхтар Ерманды ҚР ОСК мүшесі лауазымына тағайындау ұсынылды.
Депутаттар палатаның тиісті қаулысын бірауыздан қолдады.
