Таным • 26 Сәуір, 2022

Журналистің жеке заттары музейге тапсырылды

37 рет көрсетілді

Қазақстан Республикасының Ұлттық музейіне қазақ телевизиясында 50 жылға жуық қызмет атқарған журналистика ардагері Нұртілеу Иманғалиұлы қолданған заттары табысталды. Бұл іске бастамашылық танытқан қаламгердің зайыбы Қарлығаш Табулдинова екен.

Танымал тележурналист Нұртілеу Иманғалиұлының туғанына биыл 70 жыл толып отыр. 1977 жылы ҚазМУ-ді бітірген талантты тұлға әуелгі еңбек жолын Қазақ телевизия­сында тілші болып бастап, кейін редактор, аға редактор, комментатор, бас редактор, саяси шолушы, директордың орынбасары, «Хабар» агент­тігінде модератор-жүргізуші, одан кейін Үкімет кеңсесінде сектор меңгерушісі, Президент Әкімшілігінде бас маман болып қызмет істеген. Коррупцияға қарсы кү­рес жөніндегі мем­лекеттік ко­миссиясының мү­шесі, «Қа­зақ­стан» РТРК» АҚ бас­­қарма төрағасы қатарлы қыз­мет атқарған.

Осы орайда музей қорына табысталып отырған жәдігерлер қатарында, журналистің қыз­меттік және отбасылық есте­ліктері жинақталған фото-аль­бом, «Қазақ жерінің зиялылары» атты энциклопедияс­ы мен ұлттың үнжариясы, костюм-шалбары, көйлегі, сөмкесі, қа­ламсабы, көзілдірігі, қойын дәптерлері, «Бейімбет Май­лин – 125 жыл», «Ілияс Жан­сүгіров – 125 жыл», «Әсет Найман­бай­ұлы – 150 жыл» медальдары бар.

«Нұртілеу Иманғалиұлы елдің азаматы, отбасының берік тірегі болды. Бүгін өзі қолданған заттарының бір бөлігін Ұлттық музейге тапсырып, ол жайлы ескірмес естеліктердің кейінгі ұрпақ жадында сақталуына атсалыстық деп ойлаймын. Нұр­тілеудің өзі айтқандай «пат­ша көңілді көрермені» бұдан былай ол қолданған зат­тарды ұлттық музейден тамашалай алады. Нұртілеу өз сала­сының кәсіби маманы ғана емес жан-жақты білімді, жеке өмірдегі қасиеттерін үлгі етуге лайық. Оның дәлелі жылы естеліктер мен артында қалған мұралары», дейді журналистің жары Қарлығаш Советбекқызы.

Соңғы жаңалықтар

Алматыда троллейбус өртенді

Оқиға • 24 Маусым, 2022

ТүркПА-ның атауы өзгереді

Парламент • 24 Маусым, 2022

Ұқсас жаңалықтар