Әлем • 26 Сәуір, 2022

Ресейде белгісіз біреу балабақшада атыс шығарды

235 рет
көрсетілді
1 мин
оқу үшін

Қаруланған ер адам балабақшаға келіп, сол жерде оқ жаудырған. Құрбан болғандардың арасында балалар да бар, деп хабарлайды Egemen.kz ТАСС агенттігіне сілтеме жасап.

Ресейде белгісіз біреу балабақшада атыс шығарды

Қайғылы оқиға Ульянов облысында болды.

«Атыс балабақшада болды. Төрт адам қаза тапты», деп хабарлады облыс әкімдігінің баспасөз қызметі.

Дереккөздің хабарлауынша, атыс себебі тұрмыстық жанжал болуы мүмкін. Атыс балалар демалып жатқан кезде болған. 

Онда көрсетілгендей, оқ атушының жеке басын анықтау әзірге қиын болып отыр. Балабақшаның тағы бір қызметкері оқ жарақатын алған. Өңірдің денсаулық сақтау министрлігі зардап шеккен адамға барлық қажетті медициналық көмек толық көлемде көрсетіліп жатқанын нақтылады. Оқиға туралы ақпаратты аймақ үкіметінің баспасөз қызметі де растады. Ведомство оқ жаудырған адамның өз-өзіне қол жұмсағанын айтты.

«Сұмдық қылмыс болған Вешкаймдағы жағдай жөнінде атқарушы билік өкілдерімен және депутаттық корпуспен сөйлестім. Алдын ала ақпарат бойынша, 2016 және 2017 жылы туған екі бүлдіршін мен бала күтуші қаза тапты», деп жазды облыстағы Мемлекеттік Думаның депутаты Сергей Морозов Telegram каналында.

Облыс губернаторының баспасөз қызметі аймақ басшысы марқұмдардың отбасына шұғыл көмек көрсетуді тапсырғанын хабарлады. Қазіргі уақытта губернатордың өкімімен бірінші вице-губернатор Игорь Эдель мен вице-губернатор Александр Коробко оқиға орнына бет алды.

«Алдын ала ақпарат бойынша, қару оқ жаудырушыға емес, басқа адамға тиесілі болған», деді Коробко.