Ауа райы • 01 Маусым, 2022

Бірнеше облыста ауа райына байланысты ескерту жарияланды

172 рет
көрсетілді
2 мин
оқу үшін

Қазақстанның бірнеше облысында ауа райына байланысты ескерту жарияланды, деп хабарлайды Egemen.kz «Қазгидромет»-ке сілтеме жасап.

Бірнеше облыста ауа райына байланысты ескерту жарияланды

«Қазгидромет» болжамы бойынша, 2 маусымда күндіз Түркістан облысының батысында, таулы және тау бөктерлі аудандарда найзағай ойнап, күшті жел соғады. Солтүстік-батыстан жел соғады, күндіз облыстың батысында, таулы және тау бөктерлі аудандарда желдің жылдамдыңы секундына 15-20 метрге жетеді, екпіні 23 м/с болады.

Шымкентте найзағай ойнап, күшті жел тұрады. Солтүстік-батыстан жел соғады, күндіз екпіні 15-20 м/с болады.

Түркістанда да найзағай ойнап, күшті жел тұрады. Солтүстік-батыстан соққан желдің жылдамдығы секундына 15-20 метргежетіп, екпіні 23 м/с болады.

Солтүстік Қазақстан облысының солтүстігінде, шығысында солтүстік-батыстан жел соғады, күші секундына 15-20 метрге жетеді, екпіні 23 м/с.

Петропавлда күндіз солтүстік-батыстан жел соғады, екпіні секундына 15-20 метрге жетеді.

Қызылорда облысының оңтүстігінде, шығысында найзағай ойнап, облыстың орталығында шаңды дауыл тұрады. Жел солтүстік-шығыстан соғады, облыстың орталығында, солтүстігінде күші секундына 15-20 метрге жетеді. Облыстың орталығында төтенше өрт қаупі сақталады.

Шығыс Қазақстан облысының солтүстігінде, оңтүстігінде, шығысында найзағай ойнап, бұршақ жауады, дауыл тұрады. Жел батыстан, солтүстік-батыстан соғып, облыстың солтүстігінде, оңтүстігінде, шығысында жылдамдығы секундына 15-20 метрге жетеді, күндіз екпіні 25 м/с болады.

Өскеменде найзағай ойнады. Жел батыстан, солтүстік-батыстан соғып, таңертең және күндіз екпіні 15-18 м/с-ке жетеді.

Семейде найзағай ойнайды. Жел батыстан, солтүстік-батыстан соғып, екпіні 15-20 м/с-ке жетеді.

Алматы облысының солтүстігінде, оңтүстігінде, шығысында және таулы аудандарында найзағай ойнап, бұршақ жауады, дауыл тұрады. Солтүстік-батыстан соққан жел солтүстік-шығысқа ауысады, күші облыстың оңтүстігінде, шығысында және таулы аудандарында 15-20 м/с, күндіз екпіні 25 м/с болады.

Талдықорғанда кей уақытта найзағай ойнайды.

Маңғыстау облысының солтүстігінде шаңды дауыл тұрады. Солтүстік-шығыстан жел соғады, күндіз облыстың солтүстігінде жылдамдығы секундына 15-20 метрге жетеді. Облыстың оңтүстігінде 38 градус аптап ыстық болады.

Аяна Тоғанбек