Бүйрек трансплантациясы созылмалы бүйрек жеткіліксіздігінің терминалдық сатысы бар пациенттер үшін бүйректі алмастыратын терапияның оңтайлы әдісі, алайда емдеудің осы әдісінің таралуы барлық елде бар донорлық органдардың тапшылығымен айтарлықтай шектелген.
Тірі донордан бүйрек алмастыру – мәселені жеңудің нақты жолдарының бірі. 2022 жылғы 10 тамыздағы жағдай бойынша Қазақстанда 3 566 пациент донорлық органдарды трансплантациялауды қажет етеді, оның ішінде 77 бала бар. Ағза алмастыруға мұқтаждар санына тоқталсақ, бүйрекке мұқтаж –
3 154 ересек адам, балалар – 60; бауырға мұқтаж – 169 ересек, балалар – 8; өкпеге мұқтаж – 17 ересек адам, балалар жоқ; жүрекке – 147 ересек адам, балалар – 6; ал 2 ересек адамға, 3 балаға «жүрек пен өкпе» қажет.
Бірнеше сағатқа созылған операция барысында 35 жастағы науқасқа донорлық орган сәтті трансплантацияланды. Ш. есімді науқас «5-ші сатыдағы созылмалы бүйрек ауруы» диагнозымен келіп түсті, екі жыл бойы бағдарламалық гемодиализде болды. Бұл реципиентте қан тобына сәйкес келмейтін донор болды. Десенсибилизациялаушы ем жүргізгеннен кейін пациентке туыстық донордан бүйрек трансплантациясы жасалды. «Донор-реципиенттің» жай-күйі жүргізілген араласулардың уақыты мен ауырлығына сәйкес келеді және қанағаттанарлық деп бағаланады. Қазіргі уақытта олар белсенді, төсектен тұрып, қозғалады. Бүгінгі таңда реципиент үйіне шығарылды, олардың функцияларын қалпына келтіру үшін трансплантацияланған органдардың белсенді терапиясы жалғасуда.
Бұл технология отандық органдарды трансплантациялау орталығында дамитын болады.
