Облыс әкімі Дархан Сатыбалды азаматтардың ерен еңбегін атап өтіп, өңір халқы атынан алғыс айтты. Айта кетелік, Сауытбек Абдрахманов Қазығұрт ауданында өмірге келген. Журналистика саласындағы Президент сыйлығының лауреаты, «Қазақстанның еңбек сіңірген қайраткері» құрметті атағы бар. Бірнеше орден, медальдармен наградталған. Абай атындағы Мемлекеттік сыйлықтың, Халықаралық «Алаш» әдеби сыйлығының лауреаты. Филология ғылымдарының докторы, профессор. Қазақстан Журналистика академиясының академигі. Қазақ және орыс тілдеріндегі көптеген кітаптың авторы, аудармашы. Ал әдебиетші, сыншы, публицист, филология ғылымдарының докторы, профессор, Халықаралық Ш.Айтматов академиясының академигі Құлбек Ергөбек Отырар ауданында дүниеге келген. «Парасат» орденінің иегері, Халықаралық «Алаш» әдеби сыйлығының лауреаты.
Қос қайраткерге шығармашылық табыс тілеген Дархан Сатыбалды өңір тұрғындары ұлысымыздың ұйытқысы – Оңтүстік өңірінен шыққан тұлғаларды әрдайым мақтан тұтатынын жеткізді. «Сіздер білім-ғылым, журналистика және зерттеу салаларында үлкен жетістікке қол жеткіздіңіздер. Еліміздің өркендеуіне, гүлденуіне мол үлес қостыңыздар. Кәсіби маман ретінде өздеріңізден кейінгі буынның қалыптасуына біріңіз қаламгер, саяси қайраткер ретінде, енді біріңіз ғалым, көрнекті әдебиет сыншысы ретінде зор еңбек сіңірдіңіздер», деді облыс әкімі.
