Сенат • 27 Желтоқсан, 2023

Адам құқын қорғау тетіктерін күшейту қажет

65 рет
көрсетілді
2 мин
оқу үшін

Сенат спикері Мәулен Әшімбаевтың төраға­лы­ғы­мен Сенаторлар кеңесінің отырысы өтті. Іс-шара барысында конституциялық заңдар мен Мемлекет бас­шысының тапсырма­ла­рын іске асыру аясында адам құқық­­тарын қор­ғауды одан әрі күшейту мәсе­ле­ле­рі та­л­қыланды.

Адам құқын қорғау тетіктерін күшейту қажет

Мәулен Әшімбаев ел Прези­денті Қасым-Жомарт Тоқаев адам құқықтарын қорғау және осы саладағы заңнаманы жетілдіру мәселелеріне әрдайым баса мән беріп келе жатқанын атап өтті. Мемлекет басшысы былтыр сәуір айында «Қазақ­стан Респуб­­ли­касының адам құқық­тары саласын­дағы одан әрі шаралары туралы» Жар­лық­қа өзгерістер енгізген болатын. Онда әйелдерге қатысты кем­сітушілікті жою, мүгедектігі бар адамдардың мүддесін ескеру, қылмыстық сот төрелігі саласында жазаны орындау және азаптау мен қатыгездіктің алдын алу мәселелері назарға алынды.

Палата төрағасы Парламент тарапынан қолданыстағы құқық қорғау тетіктерін күшейту бағы­тын­да жүйелі жұмыс жүргізіліп жат­қанын да тілге тиек етті. Кейінгі жылдары осы салада бір­қатар заң қабылданды. Оның ішінде құқық қорғау органдары мен сот жүйесінің қызметін рет­тейтін және қылмыстық про­цесті ізгілендіруді көздейтін құқықтық актілер бар.

«Адам құқықтарын қорғау мәселесі қашанда Парламент Сена­тының назарында. Консти­туциялық реформаның нәти­же­сінде азаматтардың құқық­тары мен бостандықтарын қор­ғау­дың ұлттық жүйесі жаңа деңгейге көтерілді. Мемлекет бас­шысының Жарлыққа қол қоюы және 9 басым бағытты құрайтын Адам құқықтары мен заң үстемдігі саласындағы іс-қимыл жоспарының бекітілуі бұл саладағы келесі маңызды қадам болғаны анық. Алдағы уақытта Парламент Бала құқықтары жө­ніндегі өңірлік уәкіл­дер­дің мәртебесін күшей­туге, отба­сын­дағы тұрмыстық зорлық-зом­былық саласындағы қыл­мыстық заңна­маны қатаң­датуға, сондай-ақ, еңбек қауіп­сіздігі саласындағы заң­намалық талаптарды арттыруға бағытталған заңдар қабылдайды», деді Мәулен Әшімбаев.

Сенат төрағасы Кеңес мүше­ле­рінің осы саладағы кәсіби және өмірлік тәжірибелері мол екеніне назар аударып, осындай отырыста адам құқықтары мен заң үстемдігін қорғау жүйесін одан әрі дамыту перспективаларын талқылаудың маңызды екенін айтты.

Отырыс барысында Сенатор­лар кеңесінің мүшелері – Палатаның Конституциялық заң­нама, сот жүйесі және құ­қық қорғау органдары коми­те­тінің төрағасы Нұрлан Бек­назаров, Қазақстанның ең­бек сіңірген қайраткері, филология ғылымдарының докторы, профессор Әділ Ахмет, Ұлттық құрылтай мүшесі, «Қа­зақ­стан заңгерлер одағы» РҚБ төрағасы Серік Ақылбай, мемлекет қайраткері Сергей Громов, «Қазақстандағы парламен­та­ризм­ді дамыту қоры» ҚҚ пре­зи­денті Зауреш Батталова, тағы басқа қатысушылар сөз сөйледі.