Үкімет • 05 Ақпан, 2024

Роман Склярға Қазақстан Үкіметін уақытша басқару жүктелді

180 рет
көрсетілді
3 мин
оқу үшін

Бүгін, 5 ақпанда Қазақстан Үкіметі отставкаға кетті. Роман Скляр Премьер-министрдің міндетін уақытша атқаратын болады, деп хабарлайды Egemen.kz.

Роман Склярға Қазақстан Үкіметін уақытша басқару жүктелді

Фото: primeminister.kz

Мемлекет басшысы Қасым-Жомарт Тоқаев Үкіметтің отставкасын қабылдап, «Қазақстан Республикасының Үкіметі туралы» Жарлыққа қол қойды.

«Қазақстан Республикасы Премьер-Министрі міндеттерін уақытша атқару Роман Васильевич Склярға жүктелсін», делінген құжатта.

Президент Қазақстан Республикасы Үкіметінің мүшелеріне «Үкіметтің жаңа құрамы бекітілгенге дейін өз міндеттерін орындауды жалғастыру туралы» шешім қабылдады.

Жарлық қол қойылған күннен бастап күшіне енеді.

Роман Васильевич Скляр 1971 жылы 8 мамырда Павлодар қаласында дүниеге келген.

Павлодар мемлекеттік университетін инженер-құрылысшы мамандығы бойынша, сондай-ақ Мәскеу заманауи бизнес институтын экономист мамандығы бойынша және Қазақ құқық және халықаралық қатынастар институтын заңгер мамандығы бойынша бітірген.

Еңбек жолын 1989 жылы слесарь болып бастады.

1989-1990 жж - «Қазпромтехмонтаж» өндірістік-монтаж басқармасы Екібастұз кесінді-құрылыс басқармасының монтажшысы.

1990 жылдан - Павлодар қаласындағы «Вахинвест» кеңестік-батыс германдық бірлескен кәсіпорнының қауіпсіздік техникасы жөніндегі инженері.

1990-1999 жж — «Ансат-Павлодар» ЖШС коммерциялық бөлімінің бастығы, директордың орынбасары, бас директоры.

1999-2002 жж - «Тыныс» ЖШС директоры, Павлодар қ.

2002-2003 жж - Қазақстан Республикасы Қаржы министрлігі Дәрменсіз борышкерлермен жұмыс комитетінің Павлодар облысы бойынша Басқарма басқармасының басшысы.

2003-2005 жж - Павлодар қаласының коммуналдық меншік басқармасы басшысының орынбасары.

2005 жылдың қаңтарынан - Павлодар облысы әкімінің бас инспекторы.

2005 жылдың сәуірінен - ​​Павлодар қаласы әкімі аппаратының басшысы.

2006 жылдан - Павлодар қаласы әкімінің орынбасары.

2006-2007 жж — Астана қаласы әкімі аппаратының инфрақұрылымды дамыту бөлімінің басшысы.

2007-2008 жж – Астана қаласы Энергетика және коммуналдық шаруашылық департаментінің директоры.

2008-2010 жж - Павлодар облысы әкімінің орынбасары.

2010-2011 жж - Павлодар облысы әкімінің бірінші орынбасары.

2011-2013 жж - Қазақстан Республикасы Көлік және коммуникация вице-министрі.

2014-2016 жж – «Қазақстан темір жолы» АҚ вице-президенті.

2016 жылы - Қазақстан Республикасы Парламенті Мәжілісінің депутаты, Қазақстан Республикасы Парламенті Мәжілісінің Экономикалық реформа және өңірлік даму комитетінің төрағасы.

2016 жылғы мамырдан бастап – Қазақстан Республикасы Ұлттық экономика вице-министрі.

2016-2019 жж - Қазақстан Республикасының Инвестициялар және даму бірінші вице-министрі.

2019 жылдың ақпанынан қыркүйекке дейін Қазақстан Республикасының Индустрия және инфрақұрылымдық даму министрі қызметін атқарған.

2019 жылғы 18 қыркүйекте Қазақстан Республикасы Президентінің Жарлығымен Қазақстан Республикасы Премьер-Министрінің орынбасары болып тағайындалды. 2021 жылғы 18 қаңтарда Қазақстан Республикасы Президентінің Жарлығымен осы қызметке қайта тағайындалды.

2022 жылғы 11 қаңтарда Қазақстан Республикасы Президентінің Жарлығымен Қазақстан Республикасы Премьер-Министрінің бірінші орынбасары болып тағайындалды.

2023 жылғы 3 сәуірде Қазақстан Республикасы Президентінің Жарлығымен ол Қазақстан Республикасы Премьер-Министрінің бірінші орынбасары қызметіне қайта тағайындалды.