![Эвакуацияланғандар саны 140-қа жетті: Көкпектіде құтқару жұмыстары әлі де жалғасады](/media/2024/02/16/photo_5366199386381603772_y.webp)
Фото: ТЖМ
Сағат 15:55-тегі мәлімет бойынша Абай облысы Көкпекті ауданында қар құрсауында қалған 140 адам құтқарылып, эвакуацияланды. Олардың барлығы Қалбатау ауылына жеткізілді. Шұғыл медициналық көмек қажет болған жоқ. Уақытша жылыту пунктіне орналастырылды. Авариялық-құтқару жұмыстары әлі де жалғасады.
Еске салайық, бүгін таңертең Абай облысында 100-ден астам көлік кептелісте тұрып қалғанын хабарлаған едік. Кейінірек сағат 13:15-те МИ-8 тікұшағының көмегімен Қалбатау ауылына 29 адам эвакуацияланғаны белгілі болды.