«Қазір еліміздегі электр энергиясының шамамен 70 пайызы көмірден алынады. Энергетика министрлігінің мәліметінше, 2035 жылға қарай электр энергиясын тұтыну 152,4 млрд кВт/сағатқа жетуі мүмкін, ал қолданыстағы стансалар бұл қажеттілікті толық қамтамасыз ете алмауы ықтимал. Бұл жағдай елімізге қосымша энергетикалық шешімдерді қарастыру қажеттілігін туғызады», деді ол.
Кездесуде АЭС құрылысының технологиялық ерекшеліктері мен қауіпсіздік шаралары талқыланды. Халықаралық стандарттарға сай III және III+ буын реакторларының қолданылуы, олардың қауіпсіздік жүйесі және апаттардың алдын алуға арналған технологиялар туралы түсіндірілді. Студенттер тарапынан қойылған сұрақтарға жауап беріліп, реакторлардың жұмыс қағидаттары және қауіпсіздік талаптары жан-жақты қаралды.
Халықтық штабтың тағы бір мүшесі Гүлнар Құраметова АЭС салу жобасының экономикалық және әлеуметтік әсерлері туралы өз ойымен бөлісті.
«АЭС салу жобасы еліміздің энергетика саласына жаңа технологияларды енгізуді талап етеді және бұл жобаның елдің энергетикалық балансына әсері маңызды болмақ. 6 қазанда өтетін республикалық референдумда бұл мәселе қоғамның назарына ұсынылады», деп атап өтті Г.Құраметова.
Кездесу соңында студенттер мен оқытушылар АЭС құрылысына қатысты сұрақтарын қойып, пікірлерімен бөлісті. Жастар энергетика саласындағы өзекті мәселелерді талқылап, АЭС салудың әлеуетті әсері турасында мол мағлұматқа қанықты.
Алматы облысы
