Фото: kapital.kz
Жыл басынан бері республикалық бюджеттен 3 триллион 436,4 миллиард теңге зейнетақы төленсе, оның 1 триллион 81,9 миллиард теңгесі базалық зейнетақыны төлеуге, ал 2 триллион 354,5 миллиард теңгесі ынтымақты зейнетақы үшін бөлінгені хабарланды.
2024 жылдың 1 желтоқсанындағы жағдай бойынша зейнеткерлер саны 2 миллион 428 мың адамды құраған.
«2024 жылғы 1 желтоқсандағы жағдай бойынша зейнетақының орташа мөлшері 131 556 теңгені құрады, оның ішінде ынтымақты зейнетақы мөлшері – 88 967 теңге, базалық зейнетақы – 42 589 теңге», делінген хабарламада.
Айта кетейік, қарашада зейнетақының орташа мөлшері 131 730 теңгені құрады, оның ішінде ынтымақты зейнетақы мөлшері – 89 122 теңге, базалық зейнетақы – 42 608 теңге.
