Суретті түсірген – Жангелді ӘБДІҒАЛЫМ
Облыс кәсіпорындары өндірген тамақ өнімдерінің көлемі 2,5%-ға артып, 164 млрд теңге табысқа шыққан. Ет өнімі – 26,8%, құс еті – 25,1%, ұн өндірісі 19,9%-ға өсті. Қайта өңделген өнім экспорты – 79 мың тонна. Бұл көрсеткіштің барлығы 2023 жылғы көлемнен 17,7%-ға артық. Қуаттылығы 240 тонна болатын элеватор және құрама жем зауытын жаңғырту жобаларының да жүзеге асырылғанын қуана хабарлаймыз.
«Ауыл аманаты» шеңберінде былтыр 4,4 млрд теңге сомасына 483 шағын несие берілді. Бұл несиелердің жартысы мал шаруашылығын дамытуға, екінші бөлігі ауыл тұрғындарының бизнес-жобасын қаржыландыруға жұмсалды. 639 жұмыс орны ашылды», дейді облыстық Ауыл шаруашылығы басқармасының басшысы Саят Мусин.
«Бағдарлама бойынша облыс үшін республикалық бюджеттен жоспарланған 7 млрд теңгенің 2,5 млрд теңгесі субсидияланды. 885,8 млн теңге сомасына 74 жоба мақұлданып, жалпы сомасы 676,5 млн теңгеге, оның ішінде 214,5 млн теңге – 36 жобаны іске асыру үшін жеке қосалқы шаруашылықтарға және 462 млн теңге – 19 жобаны іске асыруға ауылдық тұтыну кооперативтеріне 55 несие берілді. Барлығы 72 жұмыс орны құрылды», дейді басқарма басшысы.
Мұндай қолдау көрген іргелі кәсіпорындар жетіп артылады. Неміс технологиясымен айына 30 тонна қымыз өндіретін «Сарытерек SAQ NS» цехы, «Мади-Агро 7» ауылшаруашылығы кооперативі өнім көлемін жыл сайын ұлғайтып отыр. «Qarmet» компаниясына былтыр 100 мың тонна ет өткізген олар биыл да сол межеге жетпекші. Қазірдің өзінде 110 млн теңгеге ет саудалаған.
Инвестицияның да игілігі мол. Биыл 23,1 млрд теңге тартылған. Ауыл шаруашылығына – 20,3 млрд теңге, тамақ өнімдеріне – 2,8 млрд теңге. Жоспарланған 30 инвестициялық жобаға – 23 млрд теңге, 22 жобаға 15 млрд жұмсалды. Нәтижесінде 816 жұмыс орны ашылып, 60 ауыл шаруашылығы кооперативі құрылды.
«Мемлекеттік қолдау шаралары шеңберінде субсидия ретінде 22,8 млрд теңге сомасына қаражат көзделген. Оның ішінде өсімдік шаруашылығы саласында – 4,8 млрд теңге, мал шаруашылығы саласында – 6,2 млрд теңге және қаржы құралдарына 11,8 млрд теңге игерілді. 22,3 млрд теңге сомасына 2 491 ауыл шаруашылығы тауарын өндірушілеріне субсидия төленді. Ол мал мен өсімдік шаруашылығына, инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеуге, кредиттеуге жұмсалды. Сондай-ақ технологиялық жабдық пен ауыл шаруашылығы техникасының лизингі кезінде сыйақы мөлшерлемесі бойынша шығындарды азайтуға, қайта өңдеу кәсіпорындарының шығындарын өтеуге берілді», дейді басқарма басшысы.
Келер жылы да аймақ шаруалары табысты арттырамыз деп отыр. Жалпы өнім өндіру көлемін 601,0 млрд теңгеге дейін, оның ішінде өсімдік шаруашылығы саласындағы ырысты 372,6 млрд теңгеге, мал шаруашылығы саласындағы табысты 228,4 млрд теңгеге жеткіземіз деп жоспарлап отыр. Ет өндірісінің көлемін – 101 мың тоннаға, сүтті – 225 мың тоннаға, жұмыртқаны 718,4 млн-ға жеткізбекші. Дәнді дақылдарды 869,3 мың тоннаға таятпақ. Яғни 415,3 мың тонна картоп, 73,7 мың тонна көкөніс өндіреді. Бұл – негізгі меже. Жер ырысын берсе, рекорд жаңаруы мүмкін.
Қарағанды облысы
