«Барселона» эль классико сынында «Реалды» ұтты

АСТАНА. 23 наурыз. Испанияның Ла-лига чемпионатында Барселонаның «Барселона» командасы өзінің көп жылдардан бергі басты бәсекелесі - Мадридтің «Реалын» қабылдап, мыңдаған тілеулестері көз алдында 2:1 есебімен жеңіске жетті. Бұл туралы The Goal хабарлады. Матч чемпионаттың 28-туры шеңберінде өтті. Онда алаң иелері сапынан Жереми Матье мен Луис Суарес көзге түссе, қонақтардан Криштиану Роналду құр кетпеді. Бұлардың соңғысы осымен «эль классико» аясында өзінің 15-ші голын соқты. Осы тур ойындарынан кейін еншісінде 68 ұпайы бар «Барселона» топ басындағы қалпын сақтап қалды. Ал 64 ұпайы бар «Реал» екінші сатыда келеді. Дамир Қожамқұл. Мәнбе, сурет: The Goal.