Бұл шешім премьер-министр Ким Мин Соктың төрағалығымен өткен Терроризмге қарсы ұлттық комитеттің отырысының қорытындысында жарияланды.
Оқиға Ли Чжэ Мённің жұмыс сапары кезінде болған. Ол сол кезде оппозициядағы Демократиялық партияны басқарған еді. Пусан портты қаласының маңындағы Кадокто жаңа әуежайының құрылыс алаңына барған кезде өзін жақтаушы ретінде таныстырған ер адам саясаткерге жақындап, мойын тұсынан пышақ сұққан. Қылмыста қолданылған қару алдын ала өзгертілгені анықталған.
Ли Чжэ Мён ауыр жарақат алды. Ол шұғыл ауруханаға жеткізіліп, кейіннен қоғамдық қызметіне қайта оралды. Шабуыл жасаған шамамен 60 жастағы ер адам оқиға орнында ұсталды. 2025 жылғы ақпанда Оңтүстік Кореяның Жоғарғы соты оны 15 жылға бас бостандығынан айыру туралы үкімді күшінде қалдырды.
Оқиғадан кейін Демократиялық партия өкілдері шабуылдың ауырлығын төмендетуге тырысу әрекеттері болғанын бірнеше рет мәлімдеген. Атап айтқанда, оппозиция Ұлттық барлау қызметін (NIS) айыптап, бұрынғы президент Юн Сок Ёльдің билігі кезінде (кейін ол импичментке ұшыраған) бұл орган айғақтарды тиісті деңгейде тіркемеді және шабуылды террористік акт ретінде тану бастамасын көтермеді деп көрсеткен.
Оңтүстік Кореяның экс-президентіне сот үкімі шықты
Премьер-министр кеңсесінде істің жаңа құқықтық мәртебесіне байланысты қосымша тергеу жүргізілетіні хабарланды.
