Гепатиттің алдын алу шаралары жүргізілуде

Астана қаласының саламатты өмір салтын қалыптастыру орталығының ұйымдастыруымен А вирустық гепатитіне шалдығудың алдын алу жөнінде конференция өтті. Оған қаланың емдеу мекемелерінде саламатты өмір салтын қалыптастыруды насихат­таушы мамандар, эпидемиологтар, жұқпалы ауруды емдеуші дәрігер­лер, сондай-ақ, БАҚ өкілдері қатысты. Саламатты өмір салтын қалып­тастыру проблемаларының ұлттық орталығының мәліметі бойынша, еліміздің әрбір өңірінде әр жылдың тамыз айында А вирусты гепа­ти­тіне қарсы он күндік шаралар өткі­зіліп тұрады. Себебі, жыл сайынғы көр­сет­кіш бойынша Қазақстанда 14 жас­қа дейінгі балалар арасында А вирусты гепатитіне шалдығушы­лықтың жоғарғы деңгейі тіркелген. Статистикалық мәліметтерге сүй­ен­сек, елімізде осы ауруға шалды­ғу­шылар 75-80 пайызды құраса, оның көпшілік бөлігін екі жастан тоғыз жасқа дейінгі балалар құрайды екен. Гепатитке шалдыққандардың жоғары деңгейі Қазақстанның оң­түстік, оңтүстік-шығыс өңірле­рінде кездесуде. Ауру өзара қарым-қатынас ар­қылы тарайтындықтан, қыркүйек-қазан айларында күшейіп, қыс ай­ларына дейін жалғасатыны жайлы, сондай-ақ, оның алдын алу шара­лары конференцияда кеңінен сөз болды. “Вирустың алдын алу шара­ларына жаңа туған балаларға вак­ци­нация, мектеп жасындағы бала­лар­ға ревакцинациялық екпе жасау, балаларды арнайы бөлінген жер­лер­де шомылдыру, елді-мекендер­дің санитарлық жай-күйін жақсар­ту, тұрғындарды сапалы ауыз сумен қамтамасыз ету жатады”, – дейді Астана қаласының саламатты өмір салтын қалыптастыру орталығының бөлім бастығы Ж. Сәрсенбеков. Естеріңізге сала кетейік, Қазақ­станда 1999-2000 жылдардан бастап Үкіметтің қаржылай көмегімен Маңғыстау облысында вирустың жоғарғы көрсеткішін құраған бала­ларға екпе жасау басталған. Ал кей­інгі жылдары вирусқа шалдыққан­дар­ды емдеу ісін жергілікті бюджет қар­жыландыратын болды. Бұл үрдіс 2001-2003 жылдардан бастап елі­міздің басқа да өңірлерінде жүзеге асырылып келеді. Саламатты өмір салтын қалыптастыру пробле­ма­ларының ұлттық орталығының мә­лі­меттеріне сәйкес, аталмыш ша­ра нәтижесінде 2000 жылы елімізде ау­ру­ды жұқтырғандар саны 23475 болса, бұл көрсеткіш 2009 жылы 5018-ге қысқарған. Атап айтқанда, ауруға шалдығушылар саны 4,7 есеге төмендеген. А вирусты гепатитінің алдын алу стратегиясы ішек инфекция­сы­ның алдын алғандай, мұнда ауруды су арқылы жұқтыруға қарсы іс-ша­ралар көбінесе балаларға, әсіресе қау­іп-қатер тобындағы, яғни екі мен тоғыз жас аралығындағы бала­лар­ға екпе жасау шаралары басы­мы­рақ болатыны конференцияда кеңінен сөз болды. Жұлдыз БАЙДІЛДА, ЕҰУ студенті.