Cіз не дейсіз?

САҚАДАЙ-САЙ ӘЗІРМІЗ Қоңырқай күздің бел орта­сына келдік. Енді әне-міне де­ген­ше қытымыр қыс күндері де есік қаққалы тұр. Болжам­шы­лардың айтуынша, биылғы жыл­ғы қыс қаһарлы болмақ. Бо­лар, болмас, “Қыстың қамын қазірден” дегендей, Сыр аймағы тұрғындарының дай­ын­дығы қалай? Осы сауалға орай “Егемен Қазақстанның” Қызылорда облысындағы тілшісі Еркін Әбіл облыстық энергетика және тұрғынүй-коммуналдық шаруашылық басқармасының бастығы Бауыржан Қаракөзовке: – Сіз бұған не дейсіз? – Әңгіменің ашығын айт­сам, аймақ алдағы қыс маусы­мы­на сақадай-сай әзірлікте, яғни облыста жылу маусымына дайындық 98 пайызға жетіп отыр. Егер саралай айтар бол­сам, қысқа дайындық жөнінде арнайы штаб құрылып, жос­пар­лы жұмыс жүргізілуде. Қызылорда қаласын “Қы­зыл­орда­жылуэлектрорталығы” және “Қызылор­да­оң­түс­тік­жылуорталығы” мемлекеттік ком­муналдық кәсіпорындары жылумен қамтамасыз етеді. Осы екі орталық 500-ден астам көпқабатты тұрғын үйлер мен жеке тұрғын үйлерге, ондаған мекемелер мен кәсіпкерлік ны­сандарына жылу береді. Алда­ғы қыс маусымына 11 үлкен, 3 кіші жылу қазандығы, 15,9 ша­қырым жылу жүйесі, 537 тұр­ғын үй мен 50-ге жуық мем­лекеттік нысандарға жөндеу жұмыстары жүргізілді. Ал, облыс орталығын қатты отынмен қамтамасыз ететін “Қызылорда отын” және “Ай­кон и К” ЖШС-лері көмірді Екі­бастұз қаласы мен Шұбар­көл­ден толассыз тасуда. Қазір бұл серіктестіктерде көмір қоры 58 мың тоннаға жуық жинал­ған. Алдағы қысқа бюджеттік мекемелер үшін облысқа 78,7 мың тонна қатты отын керек болса, бүгінде соның 70,5 мың тоннасы, яғни 90 пайызы жет­кізілді. Оған облыстық бюд­жеттен 1,3 млрд. теңге бөлінген. Айта кетейін, “Жол кар­та­сы” бағдарламасы аясында 233,5 млн. теңге қаржыға жылу құ­бырлары жөнделуде. Ал, “Қызылордаоңтүстікжылу­ор­талығы” МКК осы бағдарлама аясында облыстық бюджеттен бөлінген қаржыны толық иге­ріп, жылу құбырларын жөндеу жұмыстарын аяқтады. Сондай-ақ өткен жылғы жылу беру мау­сымынан жоғарыдағы екі ор­талықта 685 тонна мазут қалса, алдағы маусымға 20 мың тонна мазут алуды қарастырудамыз. Жылу беру маусымы кезінде тұтынушыларды тұрақты түрде жарықпен қамтамасыз ету мақ­сатында облыстық бюджеттен бөлінген 743,3 млн. теңгеге үш қосалқы стансаны қайта жаң­ғыр­ту жұмыстарын жүргізуде­міз. Ал, “КРЭК” АҚ өз қар­жы­сы есебінен 1100 шақырым электр желілерін жөндеу жұ­мыс­тарын аяқтаған. Өздеріңізге мәлім, Қызыл­орда қаласына көгілдір отын – газ тарту жұмыстары қарқынды жүргізілуде. Демек, көгілдір отын­мен жылытатын тұрғын үйлер қатары ай санап емес, күн санап көбейіп келеді. Қызылорда.