Жаңа...

...спорт алаңдары ашылды Қызылорда қаласындағы “Шұғыла” шағын ауданында ба­ла­лардың ойын және спорт алаң­дары игілікке ұсынылды. Бұл балалар алаңы Сыр өңіріне белгілі “ПетроҚазақстан” ком­па­ниясының демеушілігімен салынған. Оған 15,0 млн. теңге кө­лемінде қаржы жұмсалып, алаң­дарды  “Эко Құрылыс Мар­кетинг” ЖШС-і сапалы салып шықты. Ашылу рәсіміне облыс әкімі Б.Қуандықов қатысып, қақпаға алғашқы допты соқты. Мұндай ойын және спорт алаңдары қаланың “Эврика” шағын ауданы мен Жалаңтөс ба­һадүр көшелерінде де пайда­ла­нуға берілді. Бұл спорт алаң­да­рының демеушілері – “Торғай Петролеум” АҚ пен “ҚазГер­Мұ­най” компаниясы. Ағымдағы жылдың өзінде бюджеттен 55,0 млн. теңге қаралып, 10 балалар ау­ласын салу жоспарланған. Еркін ӘБІЛ, Қызылорда. ...дүкен “Ертіс” деп аталады Бұл облыс орталығында ашыл­ған азық-түлік өнімдерін арзан бағамен саудалайтын се­гі­зінші әлеуметтік дүкен болып отыр. Ет, сүт, нан өнімдері, көк­өніс­тің түр-түрі дүкен сөре­ле­рінде қаптап тұр. Жергілікті кә­сіпкерлер, шаруа қожалықтары шығарған өнімдермен қатар, Өс­кемен және облыстағы Шар­бақты ауылы құс фабрикасының жұмыртқалары, тауықтары бар. Жаңадан ашылған бұл сауда орнының тағы бір жаңалығы – мұнда Алматыдан жеткізілген ха­лал өнімдер, мал етінен жасалған таза шұжықтар саудаланады. Сон­дай-ақ кәсіпкерлер мен шаруа қожалықтары шығарған өнімдеріне өз бағаларын қойып, сата алады. Сату орындарының жалдау ақысы да төмен. Жалпы, жыл басынан бері облыс орталығында ашылған аз қамтамасыз етілген отбасыла­ры­на, ардагерлерге, зейнеткерлерге арналған әлеуметтік мәндегі дү­кендер жұмысы, азық-түлік өнім­дерінің қалыпты бағамен са­тылуы қала әкімдігінің тұрақты бақылауында. Фарида БЫҚАЙ, Павлодар. ...қайырымдылық қоры “Жаңа дәуір” корпоративтік қорының құрылғанына көп болған жоқ. Десек те оның ал­ғашқы кезден қайырымдылық шараларына белсене атсалысып, жеткіліксіз қамтылған жан­дар­дың табыс табуына мүмкіндік жасап, тұрмыстарын оңалтуды және күнкөрісі нашар отбасы­ла­ры мен жетім балаларға қам­қор­лық жасауды мақсат етуін жұрт­шылық жылы қабылдауда. Жаңадәуірліктер Талды­қор­ған қаласында жаңа филиалын ашты. Кеңсенің көгілдір лентасы қиылып, еңбек ардагерлері мен жиналғандар жаңа филиалдың қадамына сәттілік тіледі. Көп­шілік екі қабатты ғимаратты ара­лап, мұндағы техникалық жағы­нан жабдықталған жұмыс бөл­ме­леріндегі мамандардан қажетті сұрақтарына жауап алды. Күмісжан БАЙЖАН, Алматы облысы.