Орыс ұрысы әккілеу

“Мешкей деген жақсы ат емес” десек те, орыс ағайындар мақтан­ғанды артық көрмейді. Жақында “Известия” газеті “Біз­дің ұрылар әккілеу” деген хабар жариялады. “АҚШ пен еуропалық елдердегі дүкендерде ұрылар тым қарадүрсін ұрлайды екен” деп оларды бір сыбап алады да, өз ұрыларының әккілігін сөз етеді. Олар электрон­дық клипстарды өшіретін кілттерді оны жасайтын зауыттардан сатып алады екен. Сондай-ақ, электрон­дық белгі дыбыс шығармас үшін орыс ұрылары тауарды фольгамен орап, қойындарына тығады екен. Құмыраның құны – $ 83 миллион Лондондағы аукционда ХVІІІ ғасырда Қытайда император әулеті үшін жасалған фарфор құмыра 51,6 миллион фунт стерлингке, яғни 83 миллион долларға саты­лып­ты. Бұл бұрын-соңғы ең қым­бат құмыра болып отырған көрінеді. Мұншалықты қымбат екенін оның иелері де білмепті. Ата-ана­ларынан мұраға қалған дүние-мү­ліктің ішінен табылған құмыраны алғашында 1,2 миллион фунтқа сатпақ болған екен, Қытайдан келген бір алушы жоғарыдағы сұмдық соманы ұсыныпты. Әзірлеген Мамадияр ЖАҚЫП.