Жүк автокөлігіне арналған ерекше қызмет

Қаржы нарығының баспалдақ­та­рында нық қадаммен жоғары қарай кө­теріліп, сенім мен тұрақтылықты бас­шы­лыққа ала отырып халық сенімінен шығуға талпынып қана қоймай, шын мәнісінде сенуге тұрарлық істерді ат­қа­рып келе жатқан банктердің бірі – ЦентрКредит Банкі. Жуырда ғана аталған банк “MAN” деп аталатын қызмет көрсету орталығының құрылысына өз қара­жа­тын құйып, оның тез арада әрі сапалы түрде аяқталуына жәрдем көрсетті. Әлем елдері бойынша жүк көліктері мен автобустарды шығаратын аса ірі компа­ниялардың қатарына “MAN”-ның да кіретінін былайғы жұрт жақсы біледі. Осы компаниямен қызмет көрсету жө­нінде ресми әріптестік орнатқан, бола­шақ­та тығыз байланыс жасасу арқылы сандық көрсеткіштермен қатар сапаның да артуына ықпал ететін “Евротехсервис К” компаниясы тұрақты барыс-келіс­терінің арнасын кеңейткен болатын. Со­ның нәтижесінде Қарағанды қаласында “MAN” қызмет көрсету орталығы ашы­лып, көптеген көлік иелерінің қиын­дық­тарын оңтайлы шешіп беруіне кә­дім­гідей үлес қосып үлгерді. “Әр күн сайын тасымалдау барысында жүк көліктері өз­дерінің жүргізушілеріне талай тауқымет­тер әкеле­тіндіктерін біліп, тез арада олардың қиын­дықтарын шешіп, ақаулы жерлерін жөндеп беруге тырысамыз. Бұл аралықта барлық жұмыстарды мейлінше жоғары деңгейде сапалы орындауды өз жауапкершіліктерімізде деп түсінеміз”, – деп жазылған еді компанияның ғаламдық тор сайтында. Қызмет көрсету орталығының құры­лысына келер болсақ, бұл жобаны жүзеге асыру шаралары 2007 жылы басталған болатын. Ал енді арада біраз уақыт өтіп, дәлірек айтар болсақ, мінеки көзді ашып жұмғанша ағымдағы жыл­дың 19 қарашасы күні су жаңа орта­лықтың сал­танатты ашылу рәсімі бола­ды. Бұл орталықтың құрылыс жұмыс­тары біраз жылдардан бері әлемдік эко­номика эшелонындағы айтарлықтай ауыр кезеңі болып табылатын ғаламдық дағдарыс кезінен өткендігін ескеретін болсақ, онда компанияның қоржынына түскен жауап­кер­шілікті саралай келе бұл жобаның маңыздылығы дегенмен де өзекті екендігі көрініп тұрады. “Евро­техсервис К”-ның бұл жобадағы қар­жы­лық әріптестігіне “Банк ЦентрКредит” АҚ-тың жомарттық танытқан­дығын ерекше атап өткіміз келеді. Несиелеу секторындағы тарылған кейбір үрдіске қарамастан мұндай өжеттілікке келіп, салмақты қадамдар жасаудың өзі оңай емес екендігін айтып жатудың өзі артық­тау болар. Қызмет көрсету орталығының құрылысы өзінің қарқынды жұмыстарын 2007 жылдың желтоқсан айынан бас­тағаннан бері аталған банктің Жезқазған қаласындағы филиалы бүгінгі таңға дейін 446 млн.теңге көлемінде қаржы­лық қолдау көрсетіп келді. “Евротехсервис К” компаниясының қаржылық мәселелеріне байланысты шешім қабылдау барысында бірнеше факторлардың болғанына тоқталғым келеді”, – дейді “ЦентрКредит Банк­інің” Жезқазған қаласындағы бөлім­ше­сінің директоры Рақыш Мусина. “Бі­ріншіден, бұл жобаның өзінде тұрған маңыздылығы мен өзектілігі бізді елең еткізе қоймады. Екіншіден, кәсіптік жоба қатарына жатқызылады. Сонымен қатар, ең маңыздысы – “Евротехсервис К” ЖШС құрылғаннан бері арамызда ор­натылған көпжылдық серіктесті­гі­міз­дің жемісі деп білемін. Бұл компа­ния­ның негізгі қызметі “Қазақмыс” кор­по­рациясына қызметтер көрсету болып табылады. Істен шыққан материалдарды саралау және мониторинг жасау, арнайы техникаларды орнату мен олардың жұмыстарын қадағалау, жер асты шахта жол­дарын күту, олардың техникалық ақауларын саралау сынды басқа да жұмыстармен ерек­шеленетін компа­ния­ның жетістіктері де айтарлықтай көңілге қуаныш ұялатады. “Евротехсервис К” компаниясына көрсетілген біздің банкіміздің алғашқы заемы 2004 жығы кен рудалы компаниялардың кендерді тасымалдау барысындағы қызметтерін көрсететін ауқымды жүктерге арналған техникаларды қамтамасыз ету жұмысы болып табылады. Сондықтан да стра­тегиялық жоспарлары болып табылатын шарт­тарымен етене танысуға тура келді. Құрылыс жобасын қаржыландырудан бұрын бізге аталған компанияның даму жолдарындағы осыған дейін және болашақта атқарылатын істерінің жетістіктерімен де таныстық. Әрине, мұндай ауқымды жетістікке жетудің ар жағында, компанияның басшылығында отырған өз жұмысына шын берілген басшының да еңбегін ерекше атап өту керек. Ол – экономика ғы­лымдарының кандидаты Вальдемар Подлих. Тәжіри­белі жетекші ретінде мен оны ширек ғасырдан да көп білемін десем әбден болады. Вальдемар – біздің Жезқаз­ған­да туған жер­лесіміз. Алайда ол қазір Гер­ма­нияның азаматы, “Евро­тех­сервис К”-дан бөлек, құрамына тағы Eurotex, “Sun­ray”, GRP-Азия мен өзбек­стан­дық “Сре­даз­цветметэнерго” фирма­сынан бас­қа да нәтижелі құры­лым­дарды бі­ріктірген “GRP Group” консорциумының пре­зи­денті. Оңтүстік­тен сол­түс­тікке, яғни Алматы – Екатерин­бург пен Ал­маты – Астана бағытта­рындағы автокөлік жолағының бойында “MAN” қызмет көрсету орталы­ғы­ның құрылысы жай­ын­да ха­бар естігенімізде, біз бұл жобаға оң көзқараспен қарауға дағ­ды­­ландық. Атал­мыш жо­­ба­ның ер­екшелігі мен өз­ектілігін жү­­­зеге асыру ба­рысында көп­­те­ген нәр­­се­лер­ді атап өтуге болады. Елі­міз­дің орталық аймақтарында жүк таситын көліктерді жөн­дейтін немесе оларға техникалық қызмет көрсететін орталықтар жоқтың қасы екені бәрімізге белгілі ғой. Дегенмен де, Қазақстанда бұл бағыттағы заманауи орталықтардың саны да некен-саяқ екені жанымызға батады. Бұл салынған орталықта ауқымды жүк тасымал­дайтын көліктерді жөндейтін барлық керек құрал-саймандарды да, жөндеу жұмыстары мен техникалық ақауларды тексеруді же­ңілдететін автобөлшектерді де осы жер­ден таба аласыз. “MAN” қызмет көрсету орталығында жөндеу құрылымдарымен қатар қойма, ыңғайлы әрі жайлы қонақ үй де қарастырылған. Жүк таситын кө­лік­терге арналған тұрақтар да бұл жерде жетерлік. Бұл жобаны іске асырудағы едәуір салмақты тұстары қызмет көрсету орталығы “MAN Nutzfahrzeuge Group” фирмасының үйлесімі мен келісіміне сәйкес келеді. Бұл аталған көңілге қо­нымды ерекшеліктер Центр­Кредит Банкінің бұл жобаны қаржыландыруға түрткі болған негізгі себептері болып табылады. Әлемдік қаржы дағдарысы кезінде салынған құрылыс болғандықтан, қиындықтар болмады емес, болды әри­не. Алайда дүниежүзілік қаржы жүйе­сін­дегі дағдарысқа қарамастан, нысанның белгіленген өз мерзімі кезінде ашылуына септігімізді тигізу үшін барлық кедергі­лерді жеңіп шықтық”, – деп өз қуаны­шымен бөлісті филиал директоры. Рақыш Шахмұратқызының пікі­рін­ше, Қарағандыда бой көтерген “MAN” қызмет көрсету орталығы барлық зама­науи талаптарға толығымен жауап бере алады. Бұл жобаның тиянақты жүзеге асырылуына кадр мәселесінің дер ке­зін­де өте сәтті шешілгендігін де атап өтудің еш артықтығы болмайды. Мұндағы көп­теген мамандар Германияға барып арнайы оқудан өткендігі, сонымен қатар олар сол жердегі жоғары технологиялық фирмалық құрал-жабдықтармен жұмыс істеу тәжірибелерімен етене таныс болғандығы да орталық жұмыс­тарының ілгері басуына өз көмектерін тигізеді. Бұл орталықта қызмет көрсету түрлерінен бөлек “Евротехсервис К” ЖШС-тің сауда-саттық бағытындағы жолды дұрыс шешуге арналған ауқымды қосалқы бөл­шектерінің қоймасы да бар. Ең бастысы Қазақстанның басқа орта­лықтарында кездеспейтін құрал-саймандарды тек осы “MAN” орталығынан табатындық­та­рыңызды құлақтарыңызға алтын сырға ретінде айтып өтуді жөн көріп отырмыз. Мәселен, бұл орталықтың Bosch өнді­рі­сінен шыққан жеңіл және жүк таситын көліктердің инжекторларын жөндейтін және оны тексеретін форсундық стендті атауға болады. Сондай-ақ жанармай мен майланатын материалдарының сапасын анық­тайтын, “Евротехсервис К” ЖШС-тің негізінде құрылған бірегей зертхана да жабдық­талған. Бұл зертхана ең жаңа жоғары өнімді құрал-жабдықтармен, жедел түрде мотор майына жан-жақты саралау жасайтын құрылғылар, транс­миссияға, гидравликалық жүйеге арналған әртүрлі майлар мен арнайы салқындату құры­лымына арналған сұйықтық­тармен жабдықтал­ған. Алдағы кезде бұл жерде жеңіл және жүк таситын көліктерге арналған жаңа “Nussbaum” диагностика деп аталатын жүйемен мемлекеттік техникалық тексеру жұ­мыс­тарын ұйымдастыру көзделіп отыр. Мем­ле­кеттік техникалық тексеру жұ­мыстарының не­гі­зінде жанар-жағармай мен дизельді қозғалт­қыштардағы пайдаланған газ құрамын, тежеуіш күші мен басқа да жабдықтарды тексеру шара­лары қамтылады. Компания басшыларының атап көрсеткеніндей, орталыққа келіп қызмет көр­се­туге мұқтаж болған жүргізушілерге барлық тех­ни­каларды қолдану ережелері мен болашақта кө­лік құралының кейбір зақымдар мен ақаулардан сақтанатын ақыл-кеңестер молынан айтылады. “Сенімді, қызмет көрсету құ­ны әл­де­қайда арзан, жүр­гі­зушілерге ыңғайлы “MAN” жүк таситын мәшинелер тез ара­да Қазақстанның жүк таситын жүр­­гі­зушілерінің тірлігіне бел­сене кірісіп, олар­дың арасында ерекше таны­мал­ды­лыққа ие болып үлгерді. Басқа да сенімді көліктер сияқты “MAN” көлігі де сапалы жұмыс тек қана са­палы қыз­мет көрсетумен өл­ше­нетін қағиданы басшылыққа қояды. “MAN” зауытының конс­трукторлық бюро инже­нер­лері көліктерді қалай жасайтын болса, қызмет көрсету орта­лы­ғы­ның тәжірибелі мамандары да дәл сондай жауапкер­ші­лікпен, шеберлікпен “MAN” жүк таси­тын көліктерді тексеріп қарайды. Еуро­палық сапа көрсеткішіне қол жеткізу кепілдігін бере отырып, “Евротехсервис К” басқа да орталықтармен өзара әріптестік орнатуға ниетті екендігінің өзіндік мәні бар”, – дейді Рақыш Шахмұ­рат­қызы. “Бұл жобаның тек аймақтық экономикаға ғана емес, еліміздің экономикасы үшін де айтарлықтай маңызды. “MAN” концерні арнайы өкілдік орындарының Қазақстанда ашылуы еліміздің жүк тасымалдау инфра­құрылымын анағұр­лым дамытуға зор үлес қосуы мүмкін деген ойдамын. Ал жүк көліктерінің ақауларын кәсіби тұрғыда жөндейтін заманауи қызмет көрсету орталық­та­рының жаппай жұмыс істеуі бір жағынан қосымша жұмыс көздері болып табы­лып, кәсіби кадрлардың Германияға барып зауыттарда мәшине жасау-жөндеу жұмыста­ры­ның дұрыс жолға қойылуына түрткі болары анық. Мысалы, қара­ғандылық қызмет көрсету ор­талығының өзінде 140-қа жуық маман қамтылған. Егер ірі өндіріс құрылымдарындағы қызмет инфра­құрылымын ескеретін болсақ, онда синергетикалық әсерлердің ықпалын да айтпасқа болмас. Бұл айтылғандардан бөлек, орталық аймақта осындай сапалы қызмет көрсету орта­лығының жұмыс істеуі Қарағанды арқылы қатынайтын көлік легінің мөлшерін арттыруға да мұрындық болар еді. Бұл аймақта орналасқан аталмыш қызмет көрсету орталығы геогра­фиялық орналасу тұрғысынан тек аймақтық тұр­ғындарға ғана емес, жақын орналасқан басқа да облыс көлік жүргізушілеріне тиімді қызмет көрсете алады. Жолға шығатын ұтқыр топтың арқасында республика аумағының барлық айма­ғын­дағы көлік жүргізушілеріне жәр­дем­десуге болады. Мұндай қызмет кли­ент­тер арасында бір жерде шоғырланған ауқымды қызмет түрі ретінде жүргі­зу­шілерге өте ыңғайлы екендігін де айтып кеткен жөн. Бұл орталықта әртүрлі өндіріс орындарынан шыққан авто­кө­ліктерді, көліктің қосалқы бөлшектерін сату, диагностикалық және жөндеу жұмыстарының түр-түрі қамтылғандығы да қуантады. Орталықтың қазіргі техникалық мүмкін­діктері бір уақытта 6 жүк таситын автокөлікке қызмет көрсетуге дейін қауқары жетеді. Сонымен қатар қызмет көрсету орталығында “Paus” неміс фирмасының көп функционалды жүк тиеуге арналған құрылғыны құрастыру жұмыстары да жоспарланып отыр. Қазіргі таңда жобаның қайта өңдеу құ­жат­тары талқылану үстінде. Бұл деге­німіз алдағы уақытта тағы қосымша 50-ге жуық жұмыс орнының қамтылуына жағдай жасалады деген сөз. Бұл жолғы ықтималды қызметкерлер де Германияға барып арнайы оқудан өтетін болады. Нарықтағы бұл қызметтердің ба­ға­лану есеп­тері бойынша жобаға кеткен барлық шығын­дар­дың көлемі 18 айлық көрсеткішпен есептелінеді. Тек бұл қызмет көрсету орталығы ЦентрКредит Банкінің Жезқазған бөлім­ше­сінің қаржылық дағдарыс кезіндегі қиын­шылықтарға қарамастан қол ұшын берген шаралардың ішіндегі жалғыз ірі жобасы емес. Бүгінгі таңда одан бөлек дәнді да­қылдар мен сүт өнімдерін шығаратын ор­ындардың, сауда орталықтарының құры­лыс­тарына да белсенді қаржыландыру жұмыс­та­рын жүргізіп келеді. “Бұл құрылыстар, нысандар, жо­балар – халық игілігі үшін өте маңызды. Олар қаржы дағдарысы кезіндегі біздің жетістікке деген талпынысымыздың, іс­керлік жігерлілігіміздің және тұты­ну­шыларымыздың сұраныстарын қана­ғат­тандыратын ізгі нәтижеміз дәлелдеуді қажетсінбейтін айғақ болары анық. Ал біздің банкіміз болса мемлекеттік ба­ғ­­дар­ламалары аясында еліміздің эко­номикалық өрлеуіне де, жеке тұлға ре­тінде кәсіпкерліктің дамуына да қашан­да өз үлесін қосатынына мен сенімдімін. Клиенттеріміздің жеткен жетістіктері – біздің де жетістіктеріміз болып сана­лады”, – деп жігерлі сөздерімен Рақыш Шахмұратқызы өзінің ойын осылайша аяқтады. Арай ҮЙРЕНІШБЕКҚЫЗЫ.