Аймақтар • 31 Қазан, 2021
Батыс Қазақстан облысы судан тапшылық көріп жатыр. «Түйені жел шайқаса, ешкіні аспаннан ізде» дегендей, алып құрлықты екіге бөліп ағатын Жайықтың халі мүшкілденген соң, шағын өзен-көлдер тіпті құрып барады. Тайпақ өңірінде талай жұртқа нәпақа болған Бағырлай өзенінің бүгінгі ахуалы туралы жанайқайға құлақ түріңіздер.
Пікір • 31 Қазан, 2021
Сезімі ақын, жүрегі батыр ғұлама ғалым
Академик Еділ Ерғожаұлының туғанына – 80 жыл Еділ Ерғожаұлы Ерғожин 1941 жылы 7 қарашада Алматы облысы Ескелді ауданы Екпінді ауылында дүниеге келген. 1963 жылы С.М.Киров атындағы Қазақ мемлекеттік университетінің химия факультетін үздік бітірді. 33 жасында «Жаңа ионалмастырғыш және тотығу-тотықсыздану полимерлерінің синтезі және түзілу заңдылықтарын зерттеу» тақырыбында докторлық диссертациясын қорғады. Қазақ КСР ҒА Химия ғылымдары институты Ионалмастырғыш шәйірлері зертханасының меңгерушісі, С.М.Киров атындағы Қазақ мемлекеттік университеті Химия факультетінің Жоғары молекулалық қосылыстар химиясы кафедрасының меңгерушісі, деканы, аталған университеттің бірінші проректоры және ректоры, «А.Б.Бектұров атындағы Химия ғылымдары институты» АҚ директоры, бас директоры және Ионалмастырғыш шәйірлер және мембраналары зертханасының меңгерушісі, ҰҒА вице-президенті (1994-1995), Білім және ғылым вице-министрі (1999-2002) болып жұмыс істеді. ҰҒА академигі E.E.Ерғожин «Ғылым туралы» Қазақстан Республикасының заңын, Қазақстан Республикасының Ғылыми және ғылыми-техникалық саясатының тұжырымдамасын және «Ғылым» мемлекеттік бағдарламасын әзірлеуші жұмыс тобын басқарды.
Коронавирус • 29 Қазан, 2021
Қазақстанда қанша адам вакцина салдырды
Қазақстанда қанша адамның коронавирусқа қарсы вакцина салдырғаны белгілі болды, деп хабарлайды Egemen.kz.
Қазақстан • 29 Қазан, 2021
eGov.kz-тің осал тұстарын анықтайды
Цифрлық даму, инновациялар және аэроғарыш өнеркәсібі министрлігінің «Ұлттық ақпараттық технологиялар» АҚ қызметкерлері электронды үкіметтің 50-ге жуық осалдығын жедел анықтап, жойды. Бұл туралы 10-нан астам елдің киберқауіпсіздік бойынша тәуелсіз зерттеушілерінің Bug Bounty ұлттық платформасын іске қосу қорытындылары бойынша белгілі болды.
Қазақстан • 29 Қазан, 2021
Қазақстан-Германия: Ынтымақтастықтың жаңа кезеңі
Қазақстан Премьер-Министрінің орынбасары Роман Скляр бастаған қазақстандық делегация Германия Федеративтік Республикасына ресми сапармен барды. Делегация құрамына Сыртқы істер министрінің орынбасары Алмас Айдаров, Цифрлық даму, инновациялар және аэроғарыш өнеркәсібі вице-министрі Асхат Оразбек, Индустрия және инфрақұрылымдық даму вице-министрі Марат Қарабаев, Қазақстанның ГФР-дағы елшісі Дәурен Кәріпов, сондай-ақ СІМ Инвестициялар жөніндегі комитеті, «KAZAKH INVEST» ҰК» АҚ, «Зерде» ҰИХ» АҚ басшылығы және т.б. кірді.
Қоғам • 28 Қазан, 2021
Аса қамқор, ерекше мейірімді Алланың атымен бастаймын! Текті аталардан ғасырдан ғасырға жалғасқан, тәлім мен тәрбиенің бастауы болған асыл дініміз Ислам бірлік пен бейбітшілікке үндейді. Ислам сөзі бейбітшілік деген мағынаны білдіреді. Исі мұсылман баласы бауырына сәлем берген сәтте «Әссәламу алейкум» деп, Алладан бейбiтшiлiк пен амандық тiлеп амандасады.
Әдебиет • 28 Қазан, 2021
Шығыс шынарының бір дәніндей қазақ топырағында өсіп-өніп тамырын терең жіберген Абайдың әр сөзіне «ілініп», Шығысын міні еткісі келгендерге ұлы Мұхтар: «Осы жерде санаған ақын ішінде бүгінгі туысқан елдеріміз, кеңестік Шығыс: әзербайжан, тәжік, өзбек ақындарының классик үлгісіндегі қадірлі тобының ғана атын атап отырған жоқ па?» деген жауабы естеріңізде болар. Жазушының уәжі хакімді талағандарға тосқауыл болса да, бүгінгі түркі қауымдастығы үшін бұл бөліс Шығыс шынарларын өздерінің тек-тамырынан алыстатқаны анық.
Қоғам • 28 Қазан, 2021
Биыл ел Тәуелсіздігіне 30 жыл толады. Егеменді еліміздің бастауында тұрған сол кездегі ел ағалары, бүгінгі ардагер-ақсақалдарымыз мемлекетіміздің, оның ішінде Тобыл-Торғай өлкесінің аяқтан нық тұрып, нығаюына, өркендеп дамуына, рухани жағынан кемшін қалмауына зор үлес қосты, әлі де қосып келеді. Солардың бірі – Рудный қалалық ардагерлер кеңесі төралқасының мүшесі, мемлекеттік қызмет саласының ардагері Жақсылық Кәкенов.
Қазақстан • 28 Қазан, 2021
Қазіргі уақытта қазақ тілі ғылым мен білімнің тіліне айналып келеді. Күннен күнге мәртебесі артпаса кеміген емес. Әрине, заман ағымына қарай өзге тілдерді де білген абзал. Әйтсе де, ана тіліміздің абыройына нұқсан келтіріп алмайық.
Әдебиет • 27 Қазан, 2021
Сұлтанмахмұт – сұрапыл ақын. Бұл біздің емес, әдебиетшілердің берген бағасы. Шынында да, 30 жасқа дейін ұлттың сөзін сөйлеп, көкейдегісін дөп басқан Алаштың аяулы ақыны – мақтан тұтарлық тұлға.
