Пікір • 04 Сәуір, 2024
Құрылтайда Президент айқындап берген мақсаттың бірі – бүкіл қоғам болып жемқорлыққа қарсы күресті жалғастыру. Алайда бұл іс қалай іске асады? Жемқорлықтың түп тамырына неліктен балта шаба алмай келеміз? Бұл сұраққа Ұлттық құрылтайда Қасым-Жомарт Тоқаевтың мына сөзімен жауап беруге болады. «Қағидамыз – әділдік, тірегіміз – жауапкершілік, мақсатымыз – өрлеу. Еліміз осы құндылықтарды берік ұстана отырып, даму көкжиегін сөзсіз кеңейте түспек. Ал әрбір адал адам адал еңбегімен адал табысқа жетеді».
Шаруашылық • 04 Сәуір, 2024
Агробизнес қажеттілігін қалай өтейміз?
Елімізде әлеуметтік-кәсіпкерлік корпорациялардың (ӘКК) жұмыс істей бастағанына 18 жыл болды. Басында халық әлеуетін арттырып, әлеуметтік жағдайды жақсарту мақсатында әр өңір ерекшелігін ескере отырып құрылған бұл мекемелердің шығыны 2016 жылы 4,2 млрд теңге болса, 2020 жылы көрсеткіш 14,7 млрд теңгеге жеткен. Бүгінде орталық атқарушы органдар мен әкімдіктер ӘКК-лерді бюджет қаражатын армансыз пайдаланып, қарызға белшесінен батыратын «қалтаға» айналдырған.
Қоғам • 04 Сәуір, 2024
Атырауда өткен Құрылтайда Президент Қасым-Жомарт Тоқаев халықтың ойында жүрген біраз жайтты қозғап, ұлттың болашағына ықпал ететін елдік мәселелерді талқылай келе, неге, қай салаға басым көңіл аудару қажеттігімізді анықтап берді.
Қоғам • 04 Сәуір, 2024
Мемлекет басшысы Қасым-Жомарт Тоқаев Атырауда өткен Ұлттық құрылтайда қазіргі ұрпақ кітапқұмар болып өсуі керек екенін айтты. Бұған дейін де Президент әлеуметтік желідегі парақшасында кітап оқу эстафетасына қатысып, «Шын мәнінде, кітап оқу – рухани кемелденудің көзі» деген еді. Ал техника мен технология көзді арбаған заманда жас ұрпақты кітап оқуға баулу өте өзекті мәселеге айналды. Оның шешімі қандай?
Айбын • 03 Сәуір, 2024
Адал азамат, сенімді қарулас немесе генерал Дәулет Салханов туралы үзік сыр
Ұлттық құрылтайдың үшінші басқосуында Президент ел болашағына қатысты көп мәселе көтерді. Ойымда ерекше қалғаны – «Адал азамат» ұғымы. «Адал азамат дегеніміз – жақсы қасиеттерге ие болып, адал еңбек ететін және табысқа адал жолмен жететін адам». Сананы тұрмыс билеген заманда бүгінгі буынның кей өкілдері үшін айналасынан осы ұғымға лайықты адамды көру қиын. Десе де, ғұмырын Отан қорғауға арнап, өткен мен бүгінді байланыстырып келе жатқан «алтын көпір» адал азаматтардың бар екенін және олардың әскери салада көп кездесетінін айтқым келеді. Солардың бірі – әскери қайраткер, «Генералдар кеңесі» республикалық қоғамдық бірлестігінің мүшесі, генерал Дәулет САЛХАНОВ.
Зерде • 03 Сәуір, 2024
Мақтымқұлы – Түрікменнің төлқұжаты
Түрікменнің әйгілі ақыны Кеминенің: «Мақтымқұлы ақындық аймақтың астығын түгел орып кетті, біз содан қалған бірді-екілі масақты терушілер ғанамыз», деген сөздерінен-ақ ақынға деген сүйіспеншілігін, оның талантына деген ерекше ілтипат – ықыласты айқын аңғаруға болады.
Таным • 03 Сәуір, 2024
Өткен жылдың соңында Ш.Уәлиханов атындағы Тарих және этнология институты (директоры З.Қабылдинов) смағұлтануға үлес болып қосылатын үш жинақ шығарды. Олар: «Государственная, общественная и научно-педагогическая деятельность Смагула Садвокасова. Сборник документов», «Государственная, общественная и научно-педагогическая деятельность Смагула Садвокасова (на основе новых архивных и письменных источников)», «ХХ ғасырдағы Қазақстан мен Орталық Азия тарихындағы ұлттық құндылықтар мәселелері» атты халықаралық ғылыми-тәжірибелік конференция материалдарының жинағы. Бұл жұмыстар Ғылым және жоғары білім министрлігі Ғылым комитетінің қаржылық қолдауымен (АР 09261139 жобасы) әзірленді. Тақырыптың жүйеленіп, зерттеліп, жариялануында тарих ғылымдарының кандидаты, Ш.Уәлиханов атындағы Тарих және этнология институты «Отан тарихы» журналының бас редакторы, профессор Гүлнар Мұқанованың еңбегі зор. Сондай-ақ осы елеулі ғылыми жұмысқа атсалысқан ғалымдар: З.Қабылдинов, Д.Қамзабекұлы, З.Байжұманова, Ш.Бұлғауов, Д.Қасымова, С.Жұматай, С.Сүлеймен.
Зерде • 03 Сәуір, 2024
Жошы ұлысы, Абай һәм қазіргі заман
Данышпан Абай талаптыға кез болғанда ғана атаның сөзі ынталы жүрекке жететінін, дегенмен көп жағдайда «ойлағаны айт пен той» айтушы мен тыңдаушының «көбі надан», «ұйқылы-ояу бойкүйез» келетінін, сөйтіп, «қайран сөздің қор» болатынын айтып кеткен-ді. Абай атамыз «жақсысы мен жаманы бірдей» (Қадыр) қара бұқараның психологиясына (орысша «психология толпы»; өкілдері Карл Юнг, Гюстав Лебон, Зигмунд Фрейд), Аймауытұлынша айтсақ «жан жүйесіне» терең бойлағандықтан, Отыз алтыншы сөзінде «Сократқа у ішкізген, Иоанна Аркті отқа өртеген, Ғайсаны дарға асқан, пайғамбарымызды түйенің жемтігіне көмген кім? Ол – көп, ендеше көпте ақыл жоқ. Ебін тап та, жөнге сал» дейді.
Тағзым • 03 Сәуір, 2024
Қазақстан Республикасы Парламенті Сенатының алғашқы төрағасы, көрнекті мемлекет және қоғам қайраткері Өмірбек Байгелді дүниеден озды.
Тағзым • 03 Сәуір, 2024
Көрнекті мемлекет және қоғам қайраткері Өмірбек Байгелдінің өмірден озуы дүйім Қазақ елінің қабырғасын қайыстырды. Ел ағасы алдағы 15 сәуір күні мерейлі 85 жасқа толар еді.
