Білім • 08 Қыркүйек, 2022
Жатақхана зәрулігі: Студенттер білім емес, тұратын жер іздеп жүр
Өйткені студенттік жатақханаларда орын тапшы. Мегаполистердегі студенттер қымбат пәтерлерді жалға алуға мәжбүр болса, өңірдегілер ондайды да таппай әлек. Кей университеттер барлық студентін кереует орынмен қамтыған. Демек мәселені шешуге болады ғой деп ойлайсыз. Бірақ жатақханадан орын бере алмай отырған жоғары оқу орындарының өз уәжі бар. Ал Президент осы айдың басында ғана жариялаған Жолдауында мемлекеттен қаражат алу үшін жекеменшік жоғары оқу орындарының жатақханасы болуы шарт екенін айтты.
Қазақстан • 07 Қыркүйек, 2022
Жолдаудың басым бағыттарын талқылады
Л.Н.Гумилев атындағы Еуразия ұлттық университетінде Мемлекет басшысы Қасым-Жомарт Тоқаевтың Қазақстан халқына Жолдауын талқылау мақсатында «Біртұтас ұлт: сапа және инклюзивті өсім негіздері» атты дөңгелек үстел өтті. Оған еліміздің ғылыми-сарапшылар қауымдастығының өкілдері, республикалық және қалалық жастар ұйымдарының өкілдері, профессор-оқытушылар құрамы, студенттер қатысты.
Білім • 02 Қыркүйек, 2022
Жаңа оқу жылы басталды. Күні кеше Қазақстандағы 7,6 мың мектепте 3,7 млн оқушыға қоңырау соғылды. Соның ішінде білім әлеміне қадам басқан 400 мың 1-сынып оқушысы мен мектеп бітіруші 170 мың түлек үшін де айрықша күн болғандай. Жаңа оқу жылында мектепке алғаш қадам басқандар мен биыл алтын ұямен қоштасатын оқушыларды, сондай-ақ оқу ошақтарын жаңа өзгерістер күтіп тұр.
Білім • 01 Қыркүйек, 2022
Бүгін – мереке. Бүгін – Білім күні. Қолындағы бір тал гүлін дүрсілдеген жүрегіне жақын ұстап мектепке аяңдаған бүгінгі әм бұрынғы оқушы бәріміздің көз алдымызда. Емін-еркін, бетпердесіз, карантиндік шектеусіз басталған биылғы жаңа оқу жылының тағы бір ерекшелігі бар.
Білім • 29 Тамыз, 2022
5-11 сыныптарға жаңа міндетті пән енгізілді. Педагогтерді жұмысқа қабылдаудың жаңа тәртібі бекітілді. Колледждер енді жұмыс берушілермен бірлесіп оқу бағдарламаларын жасап, оқыту мерзімдерін еңбек нарығына сәйкес бірге анықтай алады. Барлық ізденуші, соның ішінде шетелдік студенттер университетке барып оқиды. Жаңа оқу жылының осы және өзге де өзгерістері мен жаңалықтары жайлы Орталық коммуникациялар қызметінде өткен брифингте айтылды.
Білім • 26 Тамыз, 2022
Ғылым және жоғары білім форумы өтті
Премьер-Министрдің орынбасары Ералы Тоғжанов «Адами капитал – Жаңа Қазақстан дамуының негізгі ресурсы» атты ғылым және жоғары білім форумының пленарлық отырысына қатысты.
Білім • 21 Тамыз, 2022
Білім беру саласы қызметкерлерінің дәстүрлі Тамыз кеңесі бірнеше жылдан бері биыл офлайн режімде өтті. Тамыз айының басынан бері облыстық, қалалық деңгейлерде өткен пленарлық отырыстардың қорытындысы ретінде ұйымдастырылған конференцияда биылғы өзгерістер айтылып, алдағы міндеттер айқындалды. Жиынға Премьер-Министрдің орынбасары Ералы Тоғжанов, салалық министрлер, әкімдіктердің өкілдері, педагогтер қатысты.
Білім • 17 Тамыз, 2022
Өзге тілді сыныптарда қазақ тілі қалай оқытылады?
Арина атты жайдары мінезді көршіміз бар. Елордадағы клиника-диагностикалық зертханада мейіргер болып істейді. Осы қызметінен алатын жалақысы аздау болған соң, қосымша ресепшн жұмысын да атқаруға сұраныпты. Бірақ қазір қиналып жүр екен. Өйткені келушілер көбіне қазақша сұрайды, ол жауап бере алмайды. Ал кейіпкеріміз қазақ тілін 11 жыл бойы мектепте оқыған. Өзге тілде білім беретін сыныптардың түлектері қазақ тілі пәнін 10-11 жыл оқыса да неге ойын жеткізе алатын деңгейде үйреніп шықпайды? Әдістеме әлсіз бе? Бағдарлама бұрыс па? Оқулық олқы ма? Әлде мәселе кадрдың кәсібилігіне тіреліп тұр ма?
Білім • 14 Тамыз, 2022
Мектепке дайындық отбасыларға оңайға соқпай тұр
Жаңа оқу маусымы жақындағанда бір жаңалық жылт етті. Балалар жылында әлеуметтік аз қамтылған отбасылардың балаларына, жетім және ата-анасының қамқорлығынсыз қалған және т.б. санаттағы қолдауды қажет ететін оқушыларға қыркүйектің қарсаңында берілетін материалдық көмек көлемі артты. Әрине, қуанышты жағдай, бірақ мұндай көмек бәріне бірдей берілмейді. Айталық, сондай көмек ала алмайтындардың арасында көпбалалы отбасылар бар. Оның үстіне, жығылғанға жұдырық, қымбатшылық та қатты қысып тұр. Осы орайда мектеп тауарларының құнына шолу жасап, мәселеге тереңдеп көрдік.
Білім • 11 Тамыз, 2022
400 мыңнан аса бала мемлекеттен материалдық көмек алады
Халықтың әлеуметтік осал санатындағы 400 мыңнан аса бала мемлекеттен қаржылай қолдауға ие болмақ. Бұл көмек балаларға «Жалпыға міндетті білім беру» қоры арқылы көрсетіледі. Балалар жылында Мемлекеттен берілетін осы материалдық көмектің көлемі артты.
