Спорт • 01 Наурыз, 2022
Түркияның Ыстанбұл қаласында күрес түрлерінен өткен Яшар Доғу, Вэхби Эмре және Хамит Капланның мемориалын жерлестеріміз 9 жүлдемен қорытындылады.
Спорт • 28 Ақпан, 2022
Наурыз айының басында АҚШ-тың Пенсельвания штатындағы «Хершипарк-аренада» өткен ойынды тамашалау үшін әдеттегіден әлдеқайда аз адам жиналды. Себебі, қалада таң ата себелеп жаңбыр жауып, күн күрт суытып кеткен еді. Десек те сол 4 124 көрерменге тарихи сәттің куәсі болу бақыты бұйырды. Дамылсыз әрі қарқынды шабуылмен өткен матч 169:147 есебімен алаң иелерінің пайдасынан шешілді. Яғни, екі команданың нәтижелерін қоса алғанда, олар 316 ұпайға иелік кетті. Одан бөлек, «Филадельфия Уорриорздың» ең белді ойыншысы Уилт Чемберлен бұл бәсекеде ҰБҚ-ның бес бірдей рекордын жаңартты. Сол көрсеткіштердің төртеуінің күні бүгінге дейін мұрты бұзылмай тұр. Уилттың табыстарының ішіндегі ең кереметі – «Нью-Йорк Никске» қарсы кездесуде 100 ұпай жинауы. Оған дейін де рекордтық нәтиже дәл сол баскетболшыға тиесілі еді. 1961 жылдың 8 желтоқсанында «Лос-Анджелес Лейкерспен» шеберлік байқасқан кезде Чемберлен 78 ұпай еншіледі. Арада үш ай өтпей жатып, америкалық жұлдыз 100 ұпайлық межеге жетті. Бір ғажабы, бойы көк тіреген баскетболшы осы ойында 63 рет допты шығыршыққа лақтырып, соның 36-сы нысанаға дөп түсті. 32 айып добының 28-ін мүлтіксіз орындады. Осылайша, оның есімі баскетболдың даңқ залында алтын әріптермен жазылды. Уилт Чемберлен 1936 жылдың 21 тамызында АҚШ-тың Филадельфия қаласында дүниеге келді. Оның бойы – 216 сантиметр, салмағы – 125 кило. 1959-1968 жылдар аралығында Уилт өзінің туған жерінде жасақталған команданың намысын қорғады. 1968-1973 жылдары «Лос-Анджелес Лейкерстің» жейдесін киді. Екі рет ҰБҚ чемпионы атанып, төрт рет ең құнды ойыншы деп танылды. «Жұлдыздар матчында» 13 мәрте өнер көрсетті. Одан да басқа көптеген толағай табыстарға қол жеткізді. Әр кездесу барысында орта есеппен 40-50 ұпайды қоржынға салып отырды. ҰБҚ тариыхындағы ең үздік сұрмергендер тізімінде Чемберлен жетінші орында тұр. Уилттың алдын тек Леброн Джеймс, Карим-Абдул Джаббар, Карл Мэлоун, Коби Брайант, Майкл Джордан және Дирк Новицки сынды аттары аңызға айналған ойыншылар ғана орай алды. ҰБҚ жарыстарында кейіпкеріміз барлығы 31 419 ұпайды еншіледі. Чемберленнің көрсеткіші таяу арада жаңаруы екіталай. Өйткені одан кейінгі уақытта ойын алаңында жасындай жарқылдаған талай танымал тұлғалардың бірде-біреуі оның рекордына маңайлай да алған жоқ. Уилттан кейінгі ең жақсы нәтиже Коби Брайантқа тиесілі. 2006 жылдың 22 қаңтарында «Торонто Рэпторсқа» қарсы матчта «Лос-Анджелес Лейкерстің» серкесі өте тамаша ойын өрнегін көрсетіп, мол олжаға кенелді. Бірақ атағы жер жарған Брайанттың өзі 81 ұпайлық межеден аса алмады. Уилт Чемберлен 1999 жылдың 12 қазанында 64 жасқа қараған шағында ұзақ уақытқа созылған ауыр науқастан қайтыс болды.
Спорт • 28 Ақпан, 2022
Бейжіңде өткен қысқы Олимпия ойындарының шайбалы хоккейшілер сайысында Словакия құрамасы өз тарихында тұңғыш рет қола медаль иеленгені белгілі. Канадалық маман Крейг Эдвард Рэмзи жетекшілік еткен команданың сапында Нұр-Сұлтанның «Барыс» клубының шабуылшысы Томаш Юрчо да өнер көрсетті. Ал біз сол ойыншы жайында не білеміз?
Спорт • 28 Ақпан, 2022
Бұл күндері Түркияның Ыстанбұл қаласында күрес түрлерінен Яшар Доғу, Вэхби Эмре және Хамит Каплан сынды даңқты балуандарды еске түсіруге арналған халықаралық турнир өтіп жатыр. Аталған жарыста әлемнің көптеген мемлекетінен келген дүлдүлдермен қатар біздің елдің өрендері де бақ сынауда.
Спорт • 25 Ақпан, 2022
Жыл сайын Санкт-Петербургте шымылдығы түрілетін АТР турнирі биыл Нұр-Сұлтанда өтеді. Бұл ақпарат кәсіпқой теннисшілер қауымдастығының ресми сайтында жарияланды.
Спорт • 25 Ақпан, 2022
Қазақстан Республикасының Ұлттық Олимпиада комитеті (ҰОК) таяуда ғана Бейжіңде аяқталған Ақ Олимпиадаға даярлануға қанша қаражат жұмсалғанын жария етті.
Спорт • 25 Ақпан, 2022
Кәсіпқой бокстан 25 наурызда Алматыдағы Балуан Шолақ атындағы спорт сарайында жалауы желбірейтін жарыстың басты жекпе-жегі Қамшыбек Қоңқабаев пен Джонни Мюллер арасында өтеді.
Спорт • 25 Ақпан, 2022
Жәнібек Мунгиямен жұдырықтасады
Бүкіләлемдік бокс қауымдастығы (WBO) қазақстандық Жәнібек Әлімханұлы мен мексикалық Хайме Мунгияның жекпе-жегі жайында ресми мәлімдеме жасады. Аталған ұйым қос тараптың ортақ мәмілеге келуіне 10 күн уақыт берді. Егер осы мерзімде мәселе оңды шешілмесе, WBO ережесіне сәйкес промоутерлік сауда рәсімі жарияланады.
Спорт • 24 Ақпан, 2022
Бақыт Сәрсекбаев: Жалаң ұранмен бокстың деңгейін көтеру мүмкін емес
Осыдан тура жарты ғасыр бұрын, яғни 1972 жылы Мюнхенде алауы тұтанған жазғы ойындарда баскетболшы Әлжан Жармұхамедов Олимпиада чемпионы атанды. Осылайша, оның есімі төртжылдықтың басты додасында бас жүлдені олжалаған тұңғыш қазақ спортшысы ретінде тарихта қалды. Ол Ташкент облысына қарасты Бостандық ауданындағы Табақсай ауылында дүниеге келді. Негізі бұл шұрайлы жерді ғасырлар бойы ата-бабаларымыз мекендеген еді. Бірақ 1956 жылы КСРО-ның басшысы Никита Хрущевтің солақай саясатының салдарынан бұл аймақ Өзбекстанның меншігіне өтті. Араға дәл 36 жыл салып Әлжан Мүсірбекұлының кіндік қаны тамған Табақсайдан тағы бір Олимпия ойындарының жеңімпазы шықты. Ол – 2008 жылы Бейжіңде өткен байрақты бәсекеде қарсыластарын қоғадай жапырып, алтын тұғырға көтерілген боксшы Бақыт Сәрсекбаев.
Спорт • 24 Ақпан, 2022
Бұл күндері әлемнің әр қиырында теннистен дүбірлі додалар өтуде. Кіл мықтылар бас қосқан сол жарыстарда Қазақстанның теннисшілері де бақ сынап жатыр.
