Кино • 25 Желтоқсан, 2024
Әлемдік премьераның Алматыдағы жаңғырығы
Алматыда Disney студиясының «Муфаса. Арыстан патша» анимациялық фильмінің қазақ тіліндегі тұсаукесер көрсетілімі өтті. Бұл – Disney-дің қазақ тілінде «сөйлеткен» үшінші фильмі. Фильмдерді түрлі елдерге бейімдеп, дубляждау – Disney компаниясында бұрыннан қалыптасқан үрдіс. Disney жыл сайын әр фильмнің түрлі тілдердегі 30-ға жуық нұсқасын дайындайды. «Қазақ тілі» қоғамының ұйытқы болуымен биылдан бастап ірі халықаралық студиялар әлемдік премьераларын қазақ тілінде ұсына бастады. Осы бастама аясында Disney студиясы биыл «Ойжұмбақ 2», «Моана 2», «Муфаса. Арыстан патша» деп аталатын үш фильмін қазақ тіліне аударып, дубляж жұмыстарын қаржыландырды.
Театр • 24 Желтоқсан, 2024
Театр тынысы: кәсіби сыншылар бағасы
«Қазақстан театр сыншылары» бірлестігі биыл алтыншы рет «Сыншылар жүлдесі» марапаттау кешін ұйымдастырды. Алғашқы жылы сахна шығармашылығына сараптама жүргізген сыншылар бес аталым аясында ғана үздіктерді анықтаса, марапат саны биыл мейлінше еселене түскен. Үздіктерді іріктейтін мерейлі дода шығармашылық өкілдерінің шабысына қанат бітіріп, шабытына дем беріп, жаңа белестерді бағындыруға мүмкіндік сыйлайтын мақсаты мен маңызын жыл сайын арттырып келеді. Дегенмен Қазақстандағы 70-тен аса театрдың 53-інің 2024 жылы атқарған жұмысын қорытындылап, өз тарапынан кәсіби бағасын берген сыншылардың да сахна шығармашылығы төңірегіндегі үрдіс пен үдерістер туралы, табысталған жүлдеге байланысты туындап қалған кейбір сыни ой-пікір мен өкпе-назға орай айтатын өз уәж-пайымы бар. «Театр сыншылары бірлестігінің» төрағасы, Т.Жүргенов атындағы Қазақ ұлттық өнер академиясының профессоры, өнертану кандидаты Анар ЕРКЕБАЙ, Т.Жүргенов атындағы Қазақ ұлттық өнер академиясының профессоры, өнертану докторы Бақыт НҰРПЕЙІС, М.Әуезов атындағы Әдебиет және өнер институты Театр және кино бөлімінің меңгерушісі, өнертану кандидаты Аманкелді МҰҚАН, Т.Жүргенов атындағы Қазақ ұлттық өнер академиясының профессоры, өнертану кандидаты Меруерт ЖАҚСЫЛЫҚОВА, Т.Жүргенов атындағы Қазақ ұлттық өнер академиясының оқытушылары, өнертану магистрлері, Жансая ТҰРМАҒАНБЕТ пен Бейбіт ӘЛКЕЕВА басылым ұйымдастырған дөңгелек үстелде жыл бойы атқарылған жұмыстың нәтижесін талдап, жүлденің бүгіні мен болашағына алаңдаушылығын білдірді.
Кино • 19 Желтоқсан, 2024
«Бастау» – қанатқақты жобалар қолдаушысы
Алматыда дәстүрлі түрде өтіп келе жатқан ХІІ халықаралық «Бастау» студенттер мен дебюттік фильмдердің кинофестивалі мәресіне жетті. Кинофестивальға қатысуға ниет білдірген жақын шетелдерден бөлек, Түркия, Иран, Гонконг, Италия, Сербия, Нидерланды, Мексика, Польша секілді әлемнің әр түкпіріндегі елдерден жалпы саны 500 өтінім келіп түскен. «Bastau Shorts» конкурстық бағдарламасы аясында көркем, деректі және анимациялық қысқаметрлі дебюттік фильмдер сарапқа салынып, олардың ішінен 28 елдің 43 картинасы іріктеліп алынды.
Көрме • 10 Желтоқсан, 2024
Елдік мақсатты бедерлеген туындылар
Алматыдағы Мемлекеттік өнер музейінде Қазақстанның Халық суретшілері Әбілхан Қастеевтің 120 жылдығына, Үкі Әжиевтің 100 жылдығына, Нағымбек Нұрмұхаммедовтің 100 жылдығына, Гүлфайруз Исмаилованың 95 жылдығына арналған «Ұлағатты ұрпақ» атты Суретшілер одағының республикалық есептік көрмесі ашылды.
Қоғам • 04 Желтоқсан, 2024
Ұлт өнерінің алтын ұясы Ахмет Жұбанов атындағы дарынды балаларға арналған республикалық қазақ мамандандырылған музыкалық мектеп-интернатының құрылғанына биыл 60 жыл толып отыр. Атаулы күнге орай «Almaty Theatre» сахнасында мектептің рухани әлеуетін, дарынды балалардың шеберлігін көрсеткен концерт ұйымдастырылып, салтанатты жиынға Мәдениет және ақпарат министрі Аида Балаева, белгілі өнер қайраткерлері мен мәдениет саласының майталмандары, дарынды балалар мектебінің әр жылғы түлектері қатысты.
Өнер • 03 Желтоқсан, 2024
Абай атындағы Қазақ ұлттық опера және балет театры өнер сүйер қауымға Алтын Орданың негізін қалаған Жошы ханның есімін ұлықтау және Жошы ұлысының іргесі қаланғанына – 800 жыл толуына орай «Хан Сұлтан. Алтын Орда» атты опера спектаклін ұсынды. Алматылықтар және қала қонақтары үш күн бойы ортағасырлық алып мемлекет – Алтын Орданың құрылуына куә болып, ғасырлар қойнауына жетелейтін, ұлы сезімге толы естен кетпес саяхатты бастан кешті.
Көрме • 03 Желтоқсан, 2024
Алматы музейінде қазақтың тұңғыш академигі, Қазақ КСР Ғылым академиясын ұйымдастырушы, оның тұңғыш президенті, кеңес одағы мен Қазақстанның металлогения мектебінің негізін қалаушы, алғашқы Мемлекеттік сыйлықтың лауреаты, геолог-ғалым Қаныш Сәтбаевтың туғанына 125 жыл толуына орай «Ғылымға арналған ғұмыр» атты көрме ашылды.
Қоғам • 26 Қараша, 2024
«Қазпошта» КСРО халық әртісі, Қазақстан мәдениетінің өркендеуіне елеулі үлес қосқан көрнекті опера әншісі Бибігүл Төлегенованың туғанына 95 жыл толуына орай пошта маркасын шығарды. «Естелік және мерейтойлық даталар» сериясындағы марка – бес маркадан тұратын пошта блогі. Марка 4 түсті бояумен офсеттік үлгіде басып шығарылған. 5000 данамен таралған марканың номиналы – 450 теңге.
Кино • 22 Қараша, 2024
Шығыс пен Батыс мәдениетін тоғыстырады
Алматының Өңірлік коммуникациялар қызметі алаңында XVII Халықаралық «Еуразия» кинофестивалінің ашылуына орай ауқымды баспасөз мәслихаты ұйымдастырылды. Мәдениет және ақпарат министрлігі мен «Қазақфильм» ұлттық киностудиясының» қолдауымен ұйымдастырылып отырған Орта Азиядағы ең ірі кинофестиваль биыл үш бірдей мерейтойдың құрметіне – ұлттық кинонының негізін қалағандардың бірі Шәкен Аймановтың 110 жылдығына, «Қазақфильмнің» 90 жылдығына, киностудияға Ш.Айманов есімінің берілгеніне 40 жыл толғанына арналып отыр.
Өнер • 16 Қараша, 2024
Қазақстанның халық суретшісі, Ш.Уәлиханов атындағы Мемлекеттік сыйлықтың лауреаты, өнертану кандидаты Нағымбек Нұрмұхаммедовтің туғанына 100 жыл толуына орай Әбілхан Қастеев атындағы Мемлекеттік өнер музейінде «Суретші және ғалым. Дәуір бейнелері» атты көрменің ашылу салтанаты өтті. Көрмеде алуан түрлі тақырыпты толғаған суретші шығармашылығындағы ең таңдаулы туындылар ұсынылды. Н.Нұрмұхаммедов – қырық жылға жуық шығармашылығында өнімді еңбек еткен, соңына үлкен мұра қалдырған талантты қылқалам шебері.
