Тұлға • 20 Ақпан, 2024
Тұлғаларды тұғырына қондырған мүсінші Бақытжан Әбішевтің мұрасын әспеттей алып отырмыз ба?
Өнерде жүрген екі адамның бірін-бірі қапысыз тауып, отау құрып, жан дүниесін де, махаббатын да шығармашылық дәнекерлеп тастағандай, шаңырағы бөлінбей, бүтін күйінде ел қызығатын танымал отбасына айналуы сирек бұйыратын тағдыр сыйы. Тасты қашап, тіл бітіріп, тарихи марғасқаларды тұғырына қондырған мүсінші мен театрға келген көрерменге күйбең тірлікті ұмыттырып, ізгілік әлеміне жетелейтін актрисаның бір шаңырақ астында бас құрауы өнер өлкесінің жарысып қатар аққан қос бұрым өзеніндей тым жарасымды қабылданады. Шығармашылықтың жалғыздығы мен азабына шыдап, шыбық кезінен осы ортада шынығып өскен екеуінің махаббаты мен отбасылық өмірі өнердің қара қазанында қырық жыл бойы шымырлап бірге қайнады. «Екі қошқардың басы...» деген қазақы тәмсіл талантты екі жасқа келгенде жүзі кетіліп жүрмеді, керісінше, шыңылтыр аязда жүрегінің шоғымен жылытып, шіліңгір ыстықта шынар талдың саясы болып, бірін-бірі аялап, биікке бірге самғады.
Кино • 19 Ақпан, 2024
Есімін мәңгілік мұра етіп иеленген, тоқсан жылдық тарихы бар «Қазақфильм» киностудиясы ұлттық кино өнерінің қалыптасып-дамуына айрықша ықпал еткен аса дарынды суреткер, режиссер Шәкен Аймановтың 110 жылдық мерейтойына айрықша маңыз берді. Қазақ киносының қара шаңырағы «Қазақфильм» ұлы режиссердің есімін тектен-тек иеленген жоқ. Киностудия – Аймановтың туындысы, шығармашылығы, еңбегі, шәкірттеріне, ізбасарларына, көрермендеріне қалдырған аманаты. Режиссердің ұрпағына қалдырған мұрасына қиянат жасамай, ілгері өркендету – бүгінгі киногерлер қауымының парызы.
Пікір • 13 Ақпан, 2024
Маркстің «Адамды адам еткен – еңбек» тұжырымдамасына күліп қарайтын жаңа буын пайда болғалы телегей табысқа жетудің бір кепілі: «Мұратқа тек білім мен технология арқылы қол жеткізе алады» қағидасы омыраулап алға озып шықты. Өткен ғасырларда зауыт пен фабриканың өнеркәсіптен мануфактураны ығыстырып шығарғаны сияқты күнделікті жасап жүрген үй тіршілігіндегі қарапайым шаруаны технология жетістігі алмастыра бастағалы екі білекті түріп тастап жасайтын үйдегі қол еңбегі де екінші орынға өз-өзінен сырғып барады.
Мирас • 12 Ақпан, 2024
Дәстүрі мен салтының киесіне айналып, қазақ әйелі қадірлеп басына салған ақ орамалдың әдебі терең, қасиеті мол. Салмағы жеңіл болғанымен, құны қымбат, шаршысы шектеулі келгенімен, жолы үлкен, пәле мен жаладан қорған болар ақ орамал ата салтында отбасының алтын байрағы саналған. Ана екенін, айнымас жары, адал ниетпен аттаған шаңырағы бар екенін аңғартатын орамал атойлап келген жаудың да бетін қайтарып, бір атауы «жаулық» болып желбіреген.
Қоғам • 04 Ақпан, 2024
Әр үйдің төрінде тұратын желідегі радио архаизмге айналып, тұрақты тыңдаушысынан ажырағалы бүгінгі интернет иіріміне батқан кей балаға радио дегеніңіз «машинадағы музыка» есебінде қабылданады. Радиохабарын арнайы тыңдамайтын телефонға тәуелді ұрпақтың бұл қылығы кешірімді секілді мән бергіміз келмейді-ақ. Бірақ ақпарат тарататын құралдар арасында жан жадырататын көңіл хошын сыйлай отырып, оқиға ортасында жүріп, тәулік жаңалығын жылдам жеткізіп беретін радионың маңызы бұдан төмендеп қалмайды. Бала түгілі үлкеннің өзі радио құралына темір тұлпарын тізгіндеп жол үстінде сапарлап жүрген кезінде ғана көбірек құлақ төсеп тыңдайтыны өтірік пе?
Сұхбат • 31 Қаңтар, 2024
Тұлға • 21 Қаңтар, 2024
Қазақ бейнелеу өнерінің негізін қалаған алғашқы кәсіби суретші Әбілхан Қастеевтің туғанына 120 жыл толуына орай жоспарланған мәдени іс-шаралар шеруі Алматыдағы кескіндеме өнерінің кемеңгері атындағы өнер ордасының өзінен бастау алды. Саналы ғұмырында 4000-ға жуық туынды жазған әйгілі қылқалам шеберінің 400-ден аса көркем шығармасы өз есімін иеленген бүгінгі Әбілхан Қастеев атындағы Мемлекеттік өнер музейінің қорында сақтаулы тұр. Музей қызметкерлері бірнеше ай бойы әзірлеген «Ғасыр мұрасы» атты бұл көрмеге классик суретшінің 1930-1970 жылдар аралығында салған 300-ге жуық көркем және графикалық картинасын ел назарына ұсынды. Ә.Қастеевтің туындылары кеңестік Қазақстанның көркем шежіресі, тарихи жылнамасы іспетті. Бұл жұмыстарда ХХ ғасырдағы республикада болған, көшпелі халықтың дәстүрлі өмір салтын түбегейлі өзгерткен барлық маңызды тарихи оқиға көрініс тапқан.
Тағзым • 18 Қаңтар, 2024
Қазақтың дәстүрлі мәдениетінде әннің алар орны ерекше. Ғасырларды аттап, байтақ даламыздың төрт бұрышына тегіс таралып, «бүкіл қазақ даласы ән салып тұрғанына» қарамастан, белгілі авторлардың есімдері уақытпен бірге көмескі тартып, соңында қалған бай мұра халық қазынасына айнала береді. Әлдеқандай себеппен авторы ұмыт болып, иесінен ажырап қалған әндерді ырғағына, құрылымына, қолтаңбасына қарай анықтап, шығарманы шырғалаңнан құтқарып, ғылыми айналымға енгізгендердің басында ұлы Ахмет Жұбанов тұр. Сонымен бірге өткен ғасырлардағы көрнекті әншілер мен композиторлардың музыкалық мұрасын зерттеушілердің арасында Ахмет Қуанұлының талантты шәкірттерінің бірі, өнертану ғылымдарының кандидаты Зейнұр Қоспақовтың да есімі бәрінен гөрі биігірек аталады.
Үкімет • 15 Қаңтар, 2024
Балалар басылымы: Кешенді бағдарлама әзірленбек
Балалар басылымының балаларға қолжетімді болуын қадағалап, стратегиялық жоспар құрып, осы саладағы өзекті мәселелерге ден қойған Мәдениет және ақпарат министрі Аида Балаева Алматыдағы «Достық» үйінде «Қазақстан балалары және шығармашыл интеллигенция» атты сала өкілдерімен кездесу өткізді. Балалар тақырыбындағы өзекті жиынға Оқу-ағарту министрі Ғани Бейсембаев та арнайы қатысты. Қос министр елдегі балалар басылымдарына қатысты мәселелер мен ұсыныстарды тыңдады.
Басылым • 14 Қаңтар, 2024
Ұлт руханиятының алтын діңгегі
Ұлт руханиятының туын көтеріп, әдеби кеңістіктің үніне айналған «Қазақ әдебиеті» газеті 90 жылдық торқалы тойын атап өтті.
