Әдебиет • 17 Ақпан, 2023
Кейде таңғы кофеңді ішіп отырып, Гогольдің «Өлі жандар» шығармасындағы Чичиков есіңе түседі. Ол кітап оқуды сұмдық жақсы көреді. Оған не оқыса да бәрібір – көркем ойдан емес, адамның әріптерден сөз, сөздерден мәнді сөйлем құрауынан ләззат алатын. Бүгінде жаһандық мәселеге айналған «кітап оқымау» хақында сөз қозғай қалсақ, қоңыр әуенге салып, рухани құндылықтары құлдыраған қоғамға көңіліміз толмай, әсіресе жастарға кейістік білдіріп жатамыз.
Өнер • 16 Ақпан, 2023
«Астана Опера» балет труппасының жетекші солисі Бақтияр Адамжан Кипрде өтіп жатқан Celebrity ballet gala гала-балетінде табысты өнер көрсетті. Әлемнің әйдік жұлдыздарының орындауы асқақ өнер мерекесінің сәнін келтірсе, қазақ бишісі кештің фавориті болды. Ол көрермендерді өзінің актерлік шеберлігімен, ерекше мәнерімен таңғалдырды.
Жәдігер • 16 Ақпан, 2023
Бұл қылқобыз бүгінде Ұлттық музейдің қорында тұр. Бір қарағанда көзіміз үйренген ұлттық аспап болғанымен, тарихы тереңде жатыр. Тіпті дәл осы мұражайға келу жолы да шытырманға толы. Қатардағы бір қобыз емес, Американы аралап келген қобыз.
Өнер • 16 Ақпан, 2023
Әр шығармашыл жан өз үнін, өз ой-пікірін, өз ұстанымын, қарсылығы мен бұлқынысын өнері арқылы жеткізеді. Әр идеясын талантымен шебер ұштастыра алатындардың бірі – суретші Сәуле Сүлейменова. Жуырда ел астанасындағы «Pygmalion» галереясында ашылған суретшінің «Milestone» атты жеке көрмесіне барып, бұл ойымызға тағы да беки түстік.
Өнер • 15 Ақпан, 2023
Орталық коммуникациялар қызметі алаңында алпыс жылдан астам тарихы бар «Роза Бағланова атындағы «Қазақконцерт» мемлекеттік концерттік ұйымының директоры Ақтоты Райымқұлова мекеменің жаңа ірі жобалары мен алдағы ауқымды концерттік іс-шаралар жоспарын баяндады. Өнер ордасының басты жаңалығы «Гүлдер» ансамблінің қайта жасақталуы болып отыр.
Театр • 15 Ақпан, 2023
«Астана Опера» театры сахнасына жалпыадамзаттық құндылықтарды арқалаған «Дала үні» балеті араға үш жыл салып, жаңа нұсқада қайта оралады. Балетмейстер Патрик де Бананың асыл мұраттарға жетелеген бұл қойылымы заманауи реңктерге боялып, өзгере түсті. Тіршіліктің сан сиқыры, махаббат күші мен бабалар даналығы тығыз өрілген спектакль көпшілікке 18-19 ақпан күндері ұсынылмақ. Осы орайда жаңа кейіпте қайта оралған қойылымның дайындық барысын білуге асықтық.
Әлем • 14 Ақпан, 2023
Кеше жазушы, Мемлекеттік сыйлықтың лауреаты Әлібек Асқарды үйіне арнайы іздеп бардық. Қаламгердің жұмыс бөлмесі бір қызық әлем екен. Төрт қабырғаны түгел жайлаған кітапханадан көз ала алмайсың. Төрде Оралханның суреті тұр – екеуі теледидар көріп отыр. Әрине, бұл шаңырақта Оралхан Бөкейдің, Қалихан Ысқақтың портреттерінің болуы да заңды. Жазушының аңкөстігі, балықшылығы, тау-тасқа деген құмарлығы баршаға аян – мына бір қабырғада Алтайдың әр қиырында түскен сондай фотосуреттер. Ендігі бір бұрыш суретші Әлібек Асқардың шығармашылығына арналыпты. Сонымен бұл үйге әдеби сауалдаманың ізімен келіп отырмыз. Дәстүрлі сұрақ: не жазып жүрсіз?
Өнер • 14 Ақпан, 2023
Жас әнші Данелия Төлешова АҚШ-та өткен America’s Got Talent шоуында тағы да өнер көрсетті. Ол Дункан Лоуренстің Arcade әнін орындады. Байқаудың ресми парақшасында әншінің өнер додасының жаңа маусымына қатысқан сәтінен бейнежазба жарияланды.
Кино • 13 Ақпан, 2023
Авторлық кино көрерменнен озық жүреді
Жуырда «режиссер Данияр Саламат Бейімбеттің шығармасы желісімен кино түсіріпті» дегенді естіп, елең еттік. Шынын айту керек, көпшілікке тәуір көрінген бірқатар авторлық фильм режиссерінің тарихи тақырыпқа барып, әдеби туындыны экрандап жатқанына ішіміз жылып қалды. Енді бір жағынан, бүгінгідей тарихи тұлғалар өміріне арналған телесериалдардың күрт көбейген тұсында кезекті кинокартина қалай шығар екен деп тосылып та отырмыз. Осы орайда Данияр Саламатпен жалпы кино туралы әңгіме өрбіткен едік.
Өнер • 12 Ақпан, 2023
Әртістік өнерде берілген рөлді сомдау, тек ұқсатумен шектелмесе керек-ті. Тіпті шеберліктен де биік бір сезініс қажет сияқты. Ол сезіну, бәлки, көзқарас, бәлки, толқу, өткеру – бәрі шынайы. Содан болар, кейде нағыз таланттардың ойнында образдың көркем болмысынан, түр-сипатынан, жүріс-тұрысынан, сөйлеу мәнерінен бөлек көзқарасы да сөйлеп тұрғандай әсер қалдырады.
